Urkunde Nr. 2828 aus Band V

Seite im UB:

383-384

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 142.

Druckvorlage:

nach Original

Abdruck als:

Volltext

Sprache:

Latein

---

2828

Wien 1453 Februar 24 König Ladislaus verbietet allen Richtern in Ungarn und Siebenbürgen, die Sachsen von Hermannstadt und den Sieben Stühlen über Anstiften der Kronstädter in Handelsstreitigkeiten vor ihr Gericht zu ziehen.

Von der Kanzlei: Commissio domini regis.

Ladislaus dei gratia Hungariae, Bohemiae, Dalmaciae, Croaciae et cetera rex Austriaeque et Stiriae dux necnon marchio Morauiae et cetera fidelibus nostris magnificis palatino et iudici curiae nostrae necnon vaivodae partium nostrarum Transsiluanarum vestrasque in iudicatu vices gerentibus cunctis etiam aliis iudicibus et iusticiariis regni nostri et earundem partium Transsiluanarum praesentes visuris salutem et gratiam. Conqueritur nobis pro parte fidelium nostrorum Saxonum civitatis nostrae Cibiniensis et aliarum civitatum ac oppidorum septem sedium Saxonicalium praedictarum partium nostrarum Transsiluanarum gravi cum querela, quomodo eos fideles nostri Saxones civitatis nostrae Brassouiensis et terrae Barczensis contra eorum libertates in quibusdam factis mercantiae et negotiationis, propter quae certae controversiae inter eos sunt subortae, in vestri aut alterius vestrum praesentia in causam attrahere ac indebite vexare niterentur. Cum tamen ipsos exponentes libertatibus septem sedium requirentibus nullus iudicum regni nostri saecularium praeter eorum iudices in medio ipsorum residentes ac nos propria in persona si ab eisdem causa per ipsos adiudicata per legitimam appellationem nostri in praesentiam deducta fuerit, habeat iudicare. Et quia nos sicuti cunctos regnicolas nostros sic et praescriptos exponentes in eorum libertatibus et iustis iuribus volumus conservare, ideo vestrae et cuiuslibet vestrum fidelitati firmiter praecipimus et mandamus, quatenus scita veritate praemissorum annotatos, exponentes ad instantiam praetactorum Saxonum civitatis Brassouiensis et terrae Barczensis ratione praevia minus iuste iudicare vel vestro astare iudicatui compellere non debeatis, committentes eisdem, quibus et nos per praesentes committimus, ut si ipsi quidquam actionis vel questionis contra dictos querulantes habent id contra eosdem iuxta iura et libertates praescriptarum septem sedium coram praedictis eorum iudicibus legitime prosequantur. De quorum iudicio si non extiterint contenti, deducant eorum causam in personalem praesentiam nostrae maiestati nosque in huiusmodi causa partes inter easdem iudicium et iustitiam ac finale iudicii complementum absque ulteriori illegitima prorogatione faciemus, prout iuri videbitur expedire. Aliud ergo facere non ausuri. Prae- [S. 384] sentibus perlectis exhibenti restitutis. Datum Wyennae in festo beati Mathiae apostoli, anno domini millesimo quadringentesimo quinquagesimo
tertio.

Auf der Rückseite von gleichzeitiger Hand: Contra Braschouienses.

Von der Kanzlei: Commissio domini legis ex deliberatione baronum.