Urkunde Nr. 2819 aus Band V

Seite im UB:

376-377

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 140.

Druckvorlage:

nach Original

Abdruck als:

Volltext

Sprache:

Latein

---

2819

1453 Februar 3. König Ladislaus verspricht den Sachsen der Sieben Stühle, ihnen die alten Privilegien zu bestätigen, sobald sie diese der königlichen Kanzlei vorlegen werden.

Von der Kanzlei: Commissio propria domini regis.

Ladislaus dei gratia Hungariae, Bohemiae, Dalmaciae, Croaciae et cetera rex Austriaeque et Stiriae dux necnon marchio Morauiae et cetera fidelibus nostris dilectis, providis et circumspectis viris iudicibus et iuratis civibus, senioribus et villicis ceterisque Saxonibus septem sedium Saxonicalium partium nostrarum Transsiluanarum salutem et gratiam. Venerant ad conspectum nostrum nobiles et egregii Nicolaus de Wyzakna ac comes Johannes Lemmel, iudex regius necnon Jacobus, magister civium Cibiniensis ceterique nuntii vestri, qui per nostram maiestatem placido vultu favoreque regio suscepti fuerunt, hi equidem prudenter et discrete per vos eis iniunctum legationis officium apud nos peregerunt offerentes nobis placide vestra munera, quae nobis satis accepta extiterunt, de quibus nobis grates dicimus condignas. Parati vos et quemlibet vestrum, qui uti didicimus divorum regum Hungariae et signanter quondam serenissimorum dominorum Sigismundi imperatoris avi et Alberti patris nostrorum temporibus usque impraesentiarum obsequiis sacrae regni nostri Hungariae coronae pura fide semper insistentes absque cuiusvis infidelitatis et perfidae scrupulo inventi et pro defendenda vestra [S. 377] patria dum necesse fuit arma capere et saevissimis Turcis continuis vestrarum terrarum invasoribus vos opponere intrepidi¹⁾ semper extitistis, huiusmodi respectibus, favoribus regiis amplecti et ad omnia, quae vestrae utilitatis et conservandae libertatis commoda concernunt, vestris fidelitatibus nos reddere gratiosos. Sicuti autem promisimus vestris nuntiis praescriptis ita et vobis praesentium serie promittimus et pollicemur <in om>nibus²⁾ iuribus, libertatibus ac approbatis consuetudinibus per nostros praedictos praedecessores reges Hungariae et praecipue dominos Sigismundum imperatorem et Albertum regem vobis concessis, dum et quam primum de eis informati fuerimus, illaese vestras fidelitates conservare et facere conservari universa etiam privilegia vestra super vestris libertatibus et praerogativis confecta, dum nobis aut nostro cancellario exhibita fuerint, confirmabimus spem de vobis indubiam gerentes vice versa, ut illam vestram puram fidelitatem per medium vestrorum nuntiorum praedictorum nobis oblatam, in qua vos praedecessorum regum Hungariae temporibus perseverasse comperimus etiam nostri regiminis tempore inconcusse et inviolabiliter observabitis, prout haec et similia praescripti vestri nuntii a nobis accepto gratioso responso vestris fidelitatibus referent plenius, quibus fidem adhibete. Datum Posonii secunda die festi purificationis beatae Mariae virginis gloriosae, anno domini millesimo quadringentesimo quinquagesimo tertio, regni autem nostri anno tredecimo.

Von der Kanzlei: Commissio propria domini regis in consilio, Johannes episcopus Waradiensis cancellarius.


1) Vorlage intepidi.^{^}
2) Lücke 1,2 cm.^{^}