Urkunde Nr. 317 aus Band I

Seite im UB:

294

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Heutige Signatur:

Reg. Aven. [Registra Avenionensia] Clemens V., Vol. I, fol. 12-16.

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

317

Weissenburg 1309 September 16 Bertoldus, Dekan des Kisder Kapitels, und andere Dekane ersuchen den Kardinallegaten Gentilis um Bestätigung des neugewählten siebenbürgischen Bischofs.

Venerabili in Christo patri et domino domino Gentili miseratione divina tituli sancti Martini in Montibus presbytero cardinali, apostolicae sedis legato Bertoldus decanus de Kyzd, Ulricus decanus de districtu de sancto Ladislao, Gerardus decanus de maiori Kukullu, Symon decanus de Selk, Henricus decanus de Spreng, Bertoldus decanus de Sebus et Corardus decanus de Warasio diocesis Transilvanae obedientiam filialem cum humilitate debita ac devota,. Innotescat sanctitati vestrae, quod quilibet nostrum et singuli ex nobis iurati significamus beatitudini vestrae, quod capitulum ecclesiae maioris seu cathedralis Transilvanae ab eo tempore, quo bonae memoriae Petrus quondam episcopus Transilvanus vocante domino de hac luce migravit, semper usque ad octavas beati Johannis baptistae proxime praeteriti¹⁾ per laicalem potentiam et metum continuum et gravissimum impeditum fuit, ita quod electionem futuri episcopi numquam potuit celebrare. Cessavit autem plene ipse metus Sabbato proximo ante festum Jacobi apostoli,²⁾ quando videlicet nobilis et potens baro Ladislaus vaivoda et comes de Zounuk per Elyam decanum ipsius maioris et cathedralis ecclesiae Transilvanae ipsi capitulo nunciavit, ut ipsum capitulum occasione postulationis filii sui nec aliqua alia amplius impediret, quin libere et secure procederent ad electioneni futuri episcopi Transilvani. Quare supplicamus sanctitati vestrae, ut electum ipsius ecclesiae Transilvanae dignemini confirmare et consecrare, quatenus nos tamquam oves dispersae et errantes per ipsum ad ovile domini valeamus congregari. Datum Albae, feria tertia proxima post festum exaltationis sanctae crucis, anno domini millesimo CCC. nono.


1) Juli 1.^{^}
2) Juli 19.^{^}