Urkunde Nr. 2811 aus Band V

Seite im UB:

369-370

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 201 - Abt. 13: K. A. Mediasch [Parohia Ev. CA Mediaş], Nr. 27.

Druckvorlage:

nach Original

Abdruck als:

Volltext

Sprache:

Latein

---

2811

Pressburg 1453 Februar 1 König Ladislaus sichert den Zwei Stühlen Achtung ihrer Rechte und Freiheiten zu und versichert sich ihrer Treue.

Von der Kanzlei: Commissio domini regis.

Ladislaus dei gratia Hungariae, Bohemiae, Dalmaciae, Croaciae et cetera rex Austriaeque et Stiriae dux necnon marchio Morauiae et cetera fidelibus nostris universis et singulis Saxonibus duarum sedium Selk et Megyes partium nostrarum Transsiluanarum salutem et gratiam. Nuntii vestri providi Nicolaus Busnar et Georgius Thabiasii de Eczel necnon Martinus de Kysselk¹⁾ suae per vos eis iniunctae legationis seriem nobis prudenter et ordinate per omnia narraverunt, ex quorum declaratione dedicimus puram vestrae fidei sinceritatem semper sacrae regni nostri coronae ac nostris²⁾<fnz>praedecessoribus et praesertim serenissimis dominis Sigismundo imperatori avo et Alberto patri nostris regibus Hungariae observatum et pro tuitionem ac defensionem patriae vestrae cum ceteris nostris fidelibus omni diligentia et solicitudine semper vos pronos fuisse et paratos. Quo respectu nos vestris fidelitatibus regio succurrere volumus cum favore. Quem admodum promisimus praenotatis vestris nuntiis ita et vobis ad instar ceterorum fidelium regnicolarum nostrorum promittimus, vos et vestrum quemlibet in cunctis vestris libertatibus et privilegiis ac iurium praerogativis, quibus ex gratiosa concessione praescrip- [S. 370] torum regum Hungariae nostrorum praedecessorum usque in praesentiarum usi fuistis et gavisi, dum et quam primum de eis informati fuerimus inviolabiliter conservare ac huiusmodi vestra privilegia et literalia instrumenta legitime emanata dum nobis aut cancellario nostro in specie praesentata fuerint, pro vobis sub nostro sigillo confirmare et facere confirmari, e converso autem illam fidelitatem, quam praedecessorum nostrorum regum Hungariae temporibus sacrae coronae conservasse vos percepimus etiam nostri regiminis tempore expectamus per vestram fidelitatem conservare, prout haec et alia praefati vestri nuntii a vobis assumpto gratioso responso ad propria remissi plenius vestrae referent fidelitati. Datum Posony in profesto purificationis virginis gloriosae, anno domini millesimo quadringentesimo quinquagesimo tertio, regni autem nostri anno tredecimo.

Von der Kanzlei: Commissio domini regis in causis, Johannes cancellarius.

<fnzt>1) Ky auf Rasur.</fnzt> <fnzt>2) Über der Zeile.</fnzt>