Urkunde Nr. 2807 aus Band V

Seite im UB:

365-366

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), T Nr. 38.

Druckvorlage:

nach Original

Abdruck als:

Volltext

Sprache:

Latein

---

2807

Pressburg 1453 Januar 25 König Ladislaus verbietet allen Zollinhabern des ungarischen Reiches von den Klausenburger Kaufleuten Zölle einzuheben und trägt den siebenbürgischen Woiwoden auf, diese in ihren Rechten zu schirmen.

Von der Kanzlei: Commissio domini regis.

Ladislaus dei gratia Hungariae, Bohemiae, Dalmaciae, Croaciae et cetera rex necnon Austriae, Stiriaeque dux et marchio Moraviae et cetera fidelibus [S. 366] nostris universis et singulis praelatis, baronibus, comitibus, castellanis, nobilibus ipsorumque officialibus item civitatibus et liberis villis ipsarumque rectoribus iudicibus et villicis cunctis etiam aliis regni nostri possessionatis hominibus tributum habentibus eorundemque tributariis praesentium notitiam habituris salutem et gratiam. Cum nos literas et privilegia divorum regum Hungariae videlicet quondam Karuli¹⁾, Lodouici et Sigismundi imperatoris avi nostri super diversis liberatibus, gratiis, praerogativis et exemtionibus specialiter super non solutione tributi fidelibus nostris civibus et universis inhabitatoribus civitatis nostrae Coloswar datas et concessa per alias literas nostras confirmaverimus velimusque eosdem in eisdem indemniter et sine ullo impedimento protegere manutenere et pacifice conservare. Ideo vestrae universitatis et vestrum cuiuslibet fidelitati firmissimo nostro regio damus sub edicto districte mandantes, quatenus vos aut aliquis ex vobis vel servitorum et tributariorum vestrorum contra formam praedictae libertatis et exemptionis ipsorum ab eisdem civibus vel altero eorundem aut ab eorundem familiaribus, dum et quando ac quotienscumque ipsi aut alter ipsorum seu familiares eorundem cum rebus et mercibus suis ad vos et loca tributorum vestrorum cum praesentibus pervenerint tributum vel exactionem aliqualem petere vel exigere petique vel exigi facere nullatenus praesumatis nec sitis ausi modo aliquali. Alioquin commisimus et serie praesentium firmiter committimus fidelibus nostris vaivodis partium nostrarum Transsiluanarum et ipsorum vicevaivodis praesentibus et futuris, ut ipsi vos et quemlibet vestrum ad observationem praedictorum mandatorum nostrorum cum vestris damnis et gravaminibus arcius compellant et astringant, et nihilominus eosdem cives in iuribus et libertatibus eorum praenotatis protegent et defendent contra quoslibet auctoritate nostra regia ipsis in hac parte specialiter attributa et concessa ac iustitia mediante; aliud igitur sub obtentu gratiae nostrae non facturi. Praesentibus perlectis exhibenti restitutis. Datum Posonii in festo conversionis beati Pauli apostoli, anno domini millesimo quadringentesimo quinquagesimo tertio, regni autem nostri anno tredecimo. Commissio domini regis, domino Vlrico comite Ciliae referente.

Unter dem Siegel Kanzleivermerk²⁾. Dritte Ausfertigung auf der Plica:Lecta.


1) So in T. 39: in T. 38 und 41 später geändert in Karoli.^{^}
2) Fehlt in T. 41.^{^}