Urkunde Nr. 2799 aus Band V

Seite im UB:

359-361 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 848 - Abt. 24: K. A. Senndorf [Parohia Ev. CA Jelna], Nr. 1.

Druckvorlage:

nach Original

Abdruck als:

Volltext

Sprache:

Latein

---

2799

Lechnitz 1452 November 11 Der öffentliche Notar Lucas Weiz von Tekendorf beglaubigt die Protestation des Lechnitzer Rector scolarum Sigismundus Lite-[S. 360] ratus und mehrere Zeugenaussagen über den in der Pfarrkirche von Lechnitz verübten Raub von Kirchengeräten.

In nomine domini amen. Anno nativitatis eiusdem millesimo quadringentesimo quinquagesimo secundo, indictione prima, die vero Saturni undecima mensis Novembris, hora vesperarum vel quasi, in maiori stuba domus circumspecti viri Anthonii Sybenbewrger in Lechnicia comitis, Transsilvanensis dyocesis, pontificatus siquidem sanctissimi in Christo patris et domini nostri domini Nicolai divina providentia papae quinti, anno eius sexto, in me notarii publici et testium infrascriptorum praesentia constitutus personaliter honestus vir Sigismundus Literatus, rector scolarum eiusdem villae eiusdem Transsilvanensis dyocesis per modum protestationis significare curavit in hunc modum, quomodo quadam feria quinta quae fuit infra octavas festi Penthecostes proxime praeteriti, per negligentiam et solicitudinis curae nonadhibitionem et incautam custodiae praestationem providi viri Georgii Schwgeler, laici dictae Transsilvanensis dyocesis, vitrici ecclesiae parochialis in honore beati Bartholomei apostoli in dicta villa Lechnicia constructae et fundatae, duo calices et una parva crux de sacrista per fenestram per quorundam maleficorum immemores salutis animarum ipsorum sacrilegis manus in noctis silentio non verentes sententiam excommunicationis a iure latam incurisse minime etiam advertentes illud, beatissimum dictum sacrum de sacro non sacrum de sacro et sacrum non de sacro quis aufert sacrilegus est furtim fuissent sublati. Cum tamen idem vitricus per antedictum protestantem non semel sed fere saepius coram certis cohospitibus eiusdem villae videlicet circumspectis et providis viris Anthonio Sybenbwrger, comite iam fato, Johanne Rorer, Philipo Fabro ac Martino Gewtsner ac Michaele Entzer iuratis civibus instanter fuisset <ad>monitus¹⁾ ut ipsas fenestram et ianuam in eadem sacrista habitas reformari facere deberet, quos idem protestans coram me notario et testibus infrascriptis pro testibus ad perhibendum testimonium veritatis produxit statuendos. Qui per me diligenter requisiti super ipsa ammonitione non coacti nec compulsi odio, amore vel favore aut timore humanis semotis ad fidem ipsorum deo debitam spontanea et libera ipsorum voluntate uniformiter iuxta ipsorum conscientias taliter deposuerunt, quomodo non semel nec bis vel ter, sed saepius et replicatis vicibus ipse protestans eos amonuisset, ut ipsi saepetactum Georgium Schwgeler super eo amonere deberent ipsorum vitricum, ut ipsa fenestra cum hostio in sacrista per eundem reformaretur. Ipsi vero praememorati comes et iurati cives eundem protestantem ipsorum in personis ad vitricum ecclesiae antelate direxissent immo nedum suo sed comitis et caeterorum iuratorum cohospitum verbis ammonuissent. Qui quidem vitricus ipsam fenestram cum hostio reformari facere eidem protestanti assumsisset. Item providus vir Quirinus Czolischer de praelibata Lechinca concivis in eodem loco, quo supra, per praefatum Sigismundum protestantem coram me notario publico et testibus subscriptis diligenter [..]us²⁾ et requisitus quid sibi constaret de praemissis. Ipse vero ex certa et agnita veritate non vi, dolo, metu vel fraude adhaec inductus respondit, quod ipse quadam feria secunda, quae fuit intra octavas festi Penthecostes proxime praeteriti³⁾ finitis vesperis per ipsum protestantem una cum vitrico ad sacristam dictae ecclesiae vocatus fuisset, qui protestans coram eo-[S. 361] dem Quirino eundem vitricum non semel sed bis, ter, qualer resumendo et quaerendo invenuisset [ ]⁴⁾ faceret [....]⁵⁾ bonus homo et provisor ipsius ecclesiae seram in hostio ruptam cum fenestra in sacrista quanto citius facere posset reformari et quod duos aut tres calices in suam custodiam et locum tutum assumere debuisset quousque ipsa fenestra cum sera in ipsa sacrista reformaretur. Qui quidem vitricus respondisset eidem [.. in]⁶⁾ stanti super sua ammonitione facta tali modo: Bone magister Sigismundus custodiam habeatis super bona ipsius ecclesiae [ ]⁷⁾ habeo [ ]⁸⁾ equos venales, quos infra octo dierum spatium af forum Bystriciensem ⁹⁾ et ibidem unum fabrum conveniam, qui < fene>stram¹⁰⁾ et alia quae nostrae sacristae pro reformatione necessaria fuerint reformabit. Qui vitricus [ ]¹¹⁾ neglexisset et ipsa ecclesia post iamfatam ipsius protestantis [ ]¹²⁾ memorato Quirino facta ammonitionem infra spatium trium dierum [ ]¹³⁾ctis silentio damnum percepisset. Asserens etiam idem protestans quod si quid damni illati vel inferendi ipsa ecclesia quaeretur, prout etiam est consecutum, super huiusmodi damno uti praedixi illato vel inferendo minime responderet sed totum caderet in sortem vitrici. Vero memoratus Sigismundus protestans protestatus est servatis servandis si ipse in casu per [ ]⁵⁾ intervalla ab aliquo aut aliquibus vel quibuscumque hominibus et [ ]⁵⁾ ab ipso vitrico saepetacto ratione ipsius damni illati ad solutionem attentatus inculpatus in iudicio seu extra iudicium fuerit modo aliquali. quod eandem causam [ ]⁵⁾ (leg)itimum suum procuratorem, si legitimo iure inter ipsum et omnes tales in dicta causa ipsum infestantes et ad solutionem dictorum calicum et cruceis(!) astringere [ ]¹²⁾ nitentes lis erit aut fuit contestata, prosequi vult iurisdictione mediante. Dummodo tamen iudex debitus iudiciario ordine assistat approbanda approbans, detestenda detestens, affirmanda affirmans (suomodo) sententias [ ]¹²⁾ pari et parti ut iure congruit amministrans iustitiae complementum. Per quam protestantem ego notarius [ ]¹²⁾ testibus subscriptis debita cum instantia fui requisitus super praemissa, et praemissa tangentia, ut sibi unum vel plura conficere deberem publicum seu publica instrumentum seu instrumenta, quod et faci, prout teneor diligenter officio mei tabellionatus requirente. Praesentibus ibidem interessentibus discreto et providis viris domino Thoma capellano provisorique curiae plebani, Johanne de Zolna domini Augustini de Lechnicia plebani familiare, Andrea Tanczer de Sancto Johanne et Johanne Walacho de Lechnicia ac Georgio Digeler, Mathia Holczappel necnon Mathia Tylman de Dypze Transsilvanensis dyocesis, testibus ad praemissa vocatis pariter et rogatis. Acta sunt haec anno, indictione, die, mense, hora, loco et pontificatu quibus supra.

Notarzeichen¹⁴⁾. Et ego Lucas natus Mathei Weiz de Theca, clericus Transsilvanensis dyocesis, publicus sacra imperiali auctoritate notarius, quia praemissis omnibus et singulis recognitionem [ ]⁴⁾ et protestationem ac aliis dum sicut praemittitur fuerint et agerentur una cum praenotatis testibus praesens fui eaque sic fieri vidi et audivi et in nota recepi. Ideoque hoc praesens publicum instrumentum manu propria conscriptum exinde confeci signoque et nomine mei solitis et consuetis manu subscripsi et signavi rogatus et requisitus in testimonium omnium singulorum praemissorum etcetera. [S. 362]


a) Erster Seitenumbruch im Kopfregest.^{^}

1) Lücke 0,3 cm.^{^}
2) Unleserlich 0,7 cm.^{^}
3) Juni 4.^{^}
4) Unleserich 0,8 cm. [2x]^{^}
5) Unleserlich 0,5 cm. [4x]^{^}
6) Verwischt 0,4 cm.^{^}
7) Verwischt 0,8 cm.^{^}
8) Verwischt 1,2 cm.^{^}
9) Verwischt 1 cm.^{^}
10) Verwischt 7 cm.^{^}
11) Verwischt 0,2 cm.^{^}
12) Verwischt 1,6 cm. [3x]^{^}
13) Verwischt 0,5 cm.^{^}
14) Darunter 4 Schriftzeilen verwischt.^{^}