Urkunde Nr. 315 aus Band I

Seite im UB:

292-293

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

315

Avignon [1309] März 28 Papst Clemens V. beauftragt den Bischof von Grosswardein, den zwischen dem siebenbürgischen Bischof und dem Grosskokler Archidiakon einerseits und Pfarrer Ulricus von Nadesch und dessen Dekanat andrerseits wegen Abgaben entstandenen Streit zu schlichten.

[S. 293] Clemens servus servorum dei venerabili fratri . .¹⁾ episcopo Waradiensi salutem et apostolicam benedictionem. Sua nobis Vlricus rector ecclesiae in Nadaz petitione monstravit, quod licet ipse de redditibus et proventibus ipsius ecclesiae venerabili fratri nostro . .¹⁾ episcopo Albensi et dilecto filio archidiacono de Kukelu maiori in ecclesia Albensi certum annuum censum communiter cum sociis suis solvere teneatur ac praedecessores sui eis censum ipsum duxerint exsolvendum. Iidem tamen . . episcopus et archidiaconus huiusmodi censu solito non contenti censum ipsum contra Lateranensis statuta concilii pro eorum voluntatis libito augmentarunt, quamquam ipsius ecclesiae in Nadaz et aliarum in tantum non excreverint facultates, et nihilominus quasdam decimas ad dictam ecclesiam sancti Martini in Nadaz et ad alias ecclesias eiusdem decanatus pertinentes violenter occasione huiusmodi contra iustitiam occuparunt et, ut dictum rectorem et suos consocios artius possint compellere, contra ipsos brachii saecularis auxilium invocarunt in eiusdem rectoris et consociorum suorum praeiudicium non modicum et gravamen, propter quod ipsi ad sedem apostolicam appellaverunt. Cum autem dicti rectores sicut asserunt praedicti archidiaconi potentiam merito perhorrescentes cum infra civitatem et diocesim Albensem nequeant convenire secure, fraternitati tuae per apostolica scripta mandamus, quatenus vocatis qui fuerint evocandi et auditis hinc inde propositis super praedictis et aliis iniuriis quod iustum fuerit appellatione remota decernas faciens, quod decreveris auctoritate nostra per censuram ecclesiasticam firmiter observari. Testes autem qui fuerint nominati, si se gratia, odio vel timore subtraxerint, per censuram similem appellatione cessante compellas, veritati testimonium perhibere. Datum Auinione. V^to. Kalendas Aprilis, pontificatus nostri anno IIII^o.


1) Emericus.^{^}
2) Der Bischofssitz war damals erledigt.^{^}