Urkunde Nr. 2787 aus Band V

Seite im UB:

353-354 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 119e.

Druckvorlage:

nach Original

Abdruck als:

Volltext

Sprache:

Latein

---

2787

Trentschin 1452 Juli 18 Der Gubernator Johannes von Hunyad trägt dem siebenbürgischen Vizegubernator Nikolaus von Satzburg auf, die Kronstädter Kauf- [S. 354] leute gegen Anmassungen der Sieben und Zwei Stühle und der Orte Schässburg, Schenk und Reps in Schutz zu nehmen.

Johannes de Hwnyad regni Hungariae gubernator er cetera egregio Nicolao de Vyzakna vicegubernatori nostro partium Transsiluanarum etiam vicegubernatori in futurum constituendo salutem cum favore. Exponitur nobis in persona universitatis civium Brassouiensium, quomodo prudentes et circumspecti magistri civium necnon iudices et iurati cives septem sedium Saxonicalium ac civitatum Segeswar, Senk et Kws ac duarum sedium similiter Saxonicalium ipsos cives Brassouienses universosque mercatores et districtum eiusdem civitatis in cisione pannorum telarum, barhanorum ulnatim vendentium et ementium ac in venditione vinorum et mellis urnuatim et cerarum et aliarum rerum vendibilium mensurari et ponderari solitarum contra libertates per quondam serenissimum principem dominum Sigismundum ac alios divos reges Hungariae ipsis exponentibus concessas et gratiose datas quadam ipsorum praesumptuosa¹⁾ temeritate plurimum impedirent in praeiudicium eorundem et damnum valde magnum. Et quia nos ipsos exponentes pro honore et utilitate serenissimi principis domini Ladislai regis Hungariae domini nostri gratiossimi in eorum libertatibus infringibiliter conservare volumus, scripsimus etiam praefatis magistris civium, iudicibus et iuratis civibus sedium et civitatum praedictarum , ut ipsi ab huiusmodi indebita impetitione cessare debent; ideo vobis auctoritate nostrae gubernationis firmiter praecipiendo mandamus, quatenus ad requisitionem praefatorum exponentium eosdem exponentes contra quosvis illegitimos impetitores et signanter contra praetitulatos magistros civium et iudices ac iuratos cives in praescriptis eorum libertatibus protegere, tueri et defensare debeatis etiam, si necesse fuerit, dictos magistros civium iudicesque et iuratos cives ad observanda mandata nostra ipsis serie aliarum literarum nostrarum facta arctius compellatis et astringatis nostra auctoritate vobis praesentibus in hac parte attributa et iustitia mediantibus. Secus non facturi. Praesentibus perlectis exhibenti restitutis. Datum in descensu nostro campestri sub fortalicio Derenchen feria tertia proxima ante festum beatae Mariae Magdalenae, anno domini millesimo quadringentesimo quinquagesimo secundo.

Auf der Rückseite von einer Hand des frühen 16. Jh.s: Kueffen vnd forkueffen avf Sibenbirgen.


a) Seitenumbruch im Kopfregest.^{^}

1) Vorlage: praesumptuose. ^{^}