Urkunde Nr. 2786 aus Band V

Seite im UB:

352-353 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 119a.

Druckvorlage:

nach Original

Abdruck als:

Volltext

Sprache:

Latein

---

2786

Trentschin 1452 Juli 18 Der Gubernator Johannes von Hunyad verbietet den Sieben Stühlen, die Kronstädter Kaufleute am Kauf und Verkauf von Tuch und Barchent mit der Elle und von Wein, Honig, Wachs u. a. mit dem Kleinmass zu hindern. [S. 353]

Johannes de Hwnyad regni Hungariae gubernator et cetera prudentibus et circumspectis viris magistro civium, iudici iuratisque civibus septem sedium Saxonicalium salutem cum favore. Venientes nostri in praesentiam prudentes et circumspecti Vincencius, iudex civitatis Brassouiensis, ac Anthonius Rewdel¹⁾ in ipsorum ac universorum civium civitatis Brassouiensis praedictae districtusque et pertinentiarum eiusdem personis exhibuerunt nobis quasdam literas serenissimi principis quondam domini Sigismundi Hungariae et cetera regis privilegiales infrascriptas libertates eorundem civium continentes, quibus exhibitis iidem proposuerunt nobis gravissima cum querela in hunc modum, quod licet ipsi cives ac universi mercatores et populi praescriptae civitatis Brassouiensis districtusque et pertinentiarum eiusdem pannos, telas, barchanum ulnatim et vina, mel et ceras urnatim et alias huiuscemodi res vendibiles ponderosas et mensurabiles emere, vendere venditionique exponere ac commutari liberi essent. Tamen vos quadam praesumtuosa temeritate ducti contra praescriptas literas ipsius domini Sigismundi regis ac libertates dictorum exponentium superinde habitas et ipsis per divos reges concessas plurimum impedissetis inquietassetisque et damnificassetis damnificareque et molestare non cessaretis etiam de praesenti in praeiudicium iurium et libertatum derogamen dictorum exponentium manifestum. Et quia nos universos cuiusvis status et praeeminentiae homines sacrae regni Hungariae coronae subiectos et praesertim cives liberarum civitatum in persona regiae maiestatis usque introitum serenissimi principis domini Ladislai regis Hungariae domini nostri gratiosissimi ad dictum regnum Hungariae et dominia sua fiendum illaese illibateque et inviolabiliter in ipsorum iuribus libertatibusque et libertatum praerogativis pro viribus tenere et conservare volumus et anhelamur; igitur vobis serie praesentium firmiter praecipiendo mandamus et aliud habere nolumus, quatenus habitis praesentibus praefatos cives Brassouienses mercatoresque ac districtum et pertinentias eiusdem in incisione pannorum, telarum et barchanorum et ulnatim venditione ac commutatione earundem necnon vinorum, mellis et cerarum ac aliarum rerum ponderosarum contra praemissas ipsorum libertates nusquam et nequaquam impedire, molestare seu quovismodo damnificare praesumatis. Secus enim quod absit vobis in praemissis facientibus mediantibus aliis literis nostris commisimus vaivodis et vicevaivodis ac vicegubernatori partium Transsiluanarum praesentibus videlicet et futuris necnon universitati nobilium earundem partium, ut ipsi vos et quemlibet vestrum ad praemissa efficaciter observanda arctius adstringant auctoritate nostra ipsis attributa ac iustitia mediantibus. Secus igitur in praemissis facere non ausuri. Praesentibus perlectis exhibenti restitutis. Datum in descensu nostro campestri sub fortalicio Derechen feria tertia proxima ante festum beatae Mariae Magdalenae, anno domini millesimo quadringetesimo quinquagesimo secundo.

Auf der Rückseite von einer Hand des frühen 16. Jh.s: Keffen vnd forkeeffen vff Sibenburgen.


a) Seitenumbruch nach Kopfregest.^{^}

1) In der Urkunde für Schenk Rwdel.^{^}