Urkunde Nr. 2745 aus Band V

Seite im UB:

322-323

Heute in:

Wiener Neustadt, Archiv der Stadt

Heutige Signatur:

Ratsbücher, Ratsprotokoll Bd. 1, S. 205 a.

Druckvorlage:

nach Eintragung / Konzept

Abdruck als:

Volltext

Sprache:

Latein

---

2745

Hermannstadt 1451 Juli 22 Der Hermannstädter Bürgermeister Jakob, sowie die Königsrichter, Geschworenen und Ältesten der Sieben Stühle übermitteln dem Rat von Wiener Neustadt Zeugenaussagen über den Grad der Verwandtschaft zwischen Sigismund Walach und den Hermannstädtern Petermann und Jakob, Söhnen des Petermann von Cîmpulung / Langenau.

Nos Jacobus magister civium civitatis Hermanstat necnon iudices regii consules et seniores Cibiniensis provinciae alias septem sedium Saxonicalium partium Transsiluanarum universis et singulis praesentium inspecturis et signanter spectabilibus providisque viris magistro civium et consulibus civitatis Newstat, Salzeburgensis diocesis, amicis nostris honorandis. Cum prona in singulis complacendi voluntate cupimus esse notum, nuper providus et honestus Jacobus et Petermannus fratres carnales, incolas et habitatores civitatis praedictae sua nobis querela exposuisse, quondam Sigismundus Walach civitatis vestrae Novae Civitatis praedictae, dum viveret, inhabitatorum sine legittimis filiis seu heredibus ex suo corpore natis de medio sublatum, ipsiusque quondam Sigismundi hereditatem et bona derelicta ad ipsos Petermannum et Jacobum germanos tamquam proximiores consanguineos et heredes eiusdem de iure spectare debere et pertinere, humili supplicantes instantia ut probationem et documentum huiusmodi suae consanguinitatis, qui iam ostendere et docere desideraret, ab ipsis recipere et eisdem desuper documentum iuxta civitatis nostrae praedictae ritum et consuetudinem dare dignaremur. Nos attendentis petitione huiusmodi fore iustam et consonam rationi, nonnullos providos et honestos viros Johannem Krausbogner iuratum, Johannem filium Caspar de Longocampo, et alterum Caspar Koeppel de eadem cives et incolas praefatae ipsius civitatis probatione dictae consanguinitatis per dictos Petermannum et Jacobum coram nobis productos recepimus et eorum depositiones audivimus qui medio eorum iuramento attestati fuerunt, ipsis constare publiceque notum in partibus istis Transsiluanensibus esse saltem illis, qui notitiam personarum praedictarum habuerunt, quondam Petermannum patrem et genitorem legittimum dictorum Petermanni et Jacobi fuisse, ipsumque Petermannum seniorem et praefati quondam Sigismundi genitorem legittimum fratres carnales et legittimos ex patre et matre videlicet Andrea Pogner et Elizabeth eius consorte, et sic patrem ipsius quondam Sigismundi et patrem dictorum Petermanni et Jacobi fratres legittimos et uterinos extitisse et eosdem Petermannum et Jacobum praefati quondam Sigismundi consanguineos propinquiores et in vita superstites heredes existere, huiusmodique hereditatem et bona per ipsum quondam Sigismundum derelicta successorio et consanguinitatis iuris ad eosdem pertinere. Quae omnia et singula vestris praesentium per tenorem sigillo provinciali nostro munitarum significamus amicitiis circumspectiones vestras precibus amplioribus supplicantes quatenus tam precum nostrarum interventu quam potissime iustitiae iurisque, [S. 323] ob respectum volentes unicuique ius suum conservare debere, bona et hereditatem dicti quondam Sigismundi derelicta in et sub ditione vestra ubivis existentia et situata ipsis Petermanno et Jacobo fratribus seu alteri ipsorum tamquam veris et proximioribus heredibus dicti quondam Sigismundi iuxta civitatis et partium vestrarum ritum et consuetudinem assignare seu assignari facere et eosdem contra quoscumque illegitimos impetitores vestra sub protectione tueri velitis. Id grata vicissitudine in similibus et maioribus cupimus deservire. Datum in praedicta Hermanstat in festo beatae Mariae Magdalenae, anno domini M^o CCCC^o quinquagesimo primo.

Concordat cum originali licet in congruo ut supra.