Urkunde Nr. 2736 aus Band V

Seite im UB:

317

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), CC Nr. 5.

Druckvorlage:

nach Original

Abdruck als:

Volltext

Sprache:

Latein

---

2736

Mühlbach 1451 Mai 9 Der Gubernator Johannes von Hunyad verbietet dem siebenbürgischen Bischof Mathias, die Bürger von Klausenburg in weltlichen Testamentsangelegenheiten vor sein Gericht zu ziehen.

Johannes de Hwnyad regni Hungariae gubernator reverendo in Christo patri domino Mathiae episcopo ecclesiae Transsiluanensis ac vicario eiusdem in spiritualibus generali salutem cum honore. Venientes nostri in praesentiam prudentes et circumspecti cives civitatis de Koloswar exhibuerunt nobis quas¹⁾ literas privilegiales super libertatibus eorum per quondam serenissimos principem dominum Sigismundum imperatorem et regem Hungariae²⁾ et alios divos reges ipsis concessas, inter cetera continentes quod nullus omnino iudex ecclesiasticus seu spiritualis de³⁾ causis forum saeculare concernentibus signanter in testamentis laicalibus videlicet⁴⁾ per laicum laico, patrem filio vel fratrem fratri aut⁵⁾ amicum amico legatis et sic de singulis et non ad pias causas scilicet ad lumina beatorum Petri et Pauli atque Jacobi apostolorum et alia sancta loca aut ecclesiis seu personis ecclesiasticis et spiritualibus fierent et disponerentur⁶⁾ iudicandi et iudicio suo astare compellendi⁷⁾ haberent facultatem conquerentes ipsi cives nobis in hunc modum, quomodo vos vestro obstante dictis libertatibus eorum in talis modi causis eosdem iudicando ipsis magnas expensas, fangas et labores inferretis⁸⁾ in praeiudicium libertatum ipsorum et damnum manifestum. Ideo praesentibus requirimus vos diligenter nihilominusque vobis committimus et mandamus, quatenus visis praesentibus annotatos cives et quemlibet eorum in praescriptis causis⁹⁾ et eis similibus ad nulliusvis instantiam iudicare aut vestro astare iudicatui nusquam et ne quaquam velitis et debeatis. Quoniam nos ipsos cives et quemlibet eorum in dictis ipsorum libertatibus illibate et infringibiliter volumus conservare. Aliud igitur non facturi. Praesentibus perlectis exhibenti restitutis. Datum in Zazsebes, die dominico proximo post festum¹⁰⁾ inventionis sanctae crucis, anno domini millesimo quadringentesimo quinquagesimo primo.


1) So Vorlage.^{^}
2) Hierauf durchgestrichen ipi.^{^}
3) Hierauf nochmals de. ^{^}
4) Über der Zeile nachgetragen.^{^}
5) Vorlage autem. ^{^}
6) Vorlage disporentur. ^{^}
7) Vorlage compelendi.^{^}
8) Vorlage inferreretis. ^{^}
9) Hierauf durchgestrichen ad. ^{^}
10) Hierauf durchgestrichen sanctae. ^{^}