Urkunde Nr. 2706 aus Band V

Seite im UB:

299

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 29.

Druckvorlage:

nach Original

Abdruck als:

Volltext

Sprache:

Latein

---

2706

Hermannstadt 1450 Mai 12 Der öffentliche Notar Urbanus Petri von Steinau beglaubigt die Urkunde des siebenbürgischen Bischof Georg Lepes von 1438 Nr. »2304 mit der Urkunde Papst Eugens IV. von 1436 Nr. »2276 betreffend die Rekonziliation von Kirchen und Friedhöfen innerhalb des Hermannstädter Kapitels.

In nomine domini amen. ¹⁾ Anno nativitatis eiusdem millesimo quadringentesimo quinquagesimo, indictione tertia decima, die Martis, duodecima mensis Maii, hora vesperarum vel quasi, pontificatus sanctissimi in Christo patris et domini nostri domini Nicolai divina providentia papae quinti anno eius quarto, in ecclesia gloriosissimae virginis Mariae ordinis sancti spiritus opidi Cybiniensis Strigoniensis iurisdictionis in mei notarii publici et testium infrascriptorum ad hoc vocatorum et rogatorum praesentia, personaliter constituti honorandi viri et domini Johannes de Stolczmberg, Thomas de Salisfodio ac Caspar de villa Epponis ecclesiarum parochialium rectores et plebani Strigoniensis iurisdictionis praedictae, ipsorum et totius capituli decanatus Cybiniensis nominibus et personis infrascriptam literam mihi notario publico subscripto tradiderunt, petentes debita cum instantia mihi notario publico, quatenus eandem de verbo ad verbum in formam publicam signo et nomine meis solitis et consuetis transsumere et transcribere dignarer. Ego vero infrascriptus publicus notarius nominatam literam de manibus annotatorum dominorum plebanorum reverenter suscepi, eamque in pergameno scriptam cum sigillo sub appenso in rubea cera impresso sanam, integram omnique vitio suspitionis carentem reperi diligenter aspexi et palpavi. Cuius tenor sequitur et est talis. (Folgt die Urkunde des siebenbürgischen Bischofs Georg Lepes 1438 Nr. »2304 enthaltend die Urkunde Papst Eugens IV. von 1436 Nr. »2276). Quorum dominorum plebanorum suprascriptorum petitionibus ego infrascriptus publicus notarius inclinatus iam scriptam literam reverendi patris et domini domini Georgii episcopi Transsiluanensis de verbo ad verbum per fidem meam deo debitam transsumpsi et transcripsi, nil addendo nilque minuendo ipsumque transsumptum praelibatis dominis supra expresse nominatis tradidi et assignavi ad cautelam ut ubivis locorum illud differe habeat et nonnulis exhiberi, tamquam originali plena fides adhibeatur. Acta sunt haec anno, indictione, die, mense, hora, loco et pontificatu quibus supra praesentibus ibidem honorabilibus dominis Anthonio Crucifero provisore domus ordinis sancti spiritus in Cybinio, Valentino Rod de Castro Seges, pridem praedicatore in Insula Christiana, Anthonio Nicolai Textoris de Cybinio et Thoma pridem plebano in Zythwe presbiteris Transsiluanensis diocesis et iurisdictionis Strigoniensis testibus ad praemissa vocatis pariter er rogatis.

Notarzeichen. Et ego Vrbanus Petri de Stynawia clericus Wratislauiensis diocesis publicus papali ac imperiali auctoritatibus notarius quia praescriptarum literarum transsumpta petitione et dationi omnibusque aliis et singulis praemissis dum sic, ut praemittitur, fierent et agerentur unacum praenominatis testibus praesens fui, eaque sic fieri vidi et audivi. Ideoque hoc praesens publicum transsumpti instrumentum manu mea propria conscriptum exinde confeci, subscripsi et in hanc publicam formam redegi. Quam signo et nomine meis solitis et consuetis signavi in fidem et testimonium omnium et singulorum praemissorum requisitus et rogatus. [S. 300]


1) In verlängerter Schrift.^{^}