Urkunde Nr. 2697 aus Band V

Seite im UB:

292-293

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Heutige Signatur:

I 9.

Druckvorlage:

nach Original

Abdruck als:

Volltext

Sprache:

Latein

---

2697

1450 Februar 21 Richter und Rat von Klausenburg beurkunden den Verkauf eines Stadthauses an den Notar Peter.

Nos Jacobus Muen iudex, consules iuratique cives Coluswarienses universi memoriae commendamus tenore praesentium quibus expedit universis significantes, quod quia certis ac rationabilibus de causis praesertim tamen providentiam structurae et aedificio civitatis nostrae facere cupientes recognoscimus et fatemur per praesentes nos bono ac deliberato animo quandam domum seu fundum curiae in circulo ex opposito chori dotis nostrae parochialis inter domos providorum Melchor Brustel versus meridionalem ac Johannem de Campolongo versus septemtrionalem plagam habitam et immediate adiacentem cum omnibus et singulis pertinentiis, proventibus et utilitatibus ad eandem de iure et ab antiquo spectantibus et pertinentibus circumspecto viro magistro Petro civitatis nostrae antefactae notario per eum suis heredibus legitimisque successoribus pro quadringentis puri auri florenis plene et integre ab eodem perceptis et exsolutis vendidisse, tradidisse et assignasse imo vendidimus, contulimus et assignavimus eidem iure perpetuo libere, pacifice et quiete irrevocabiliter possidendum, tendendum pariter et habendum vice tamen pro transitu II ulnarum spatio ab aedificiis¹⁾ Melchor Brustel¹⁾ dumtaxat remanente plenum ius et dominium ipsius praefatae domus et curiae in ipsum magistrum Petrum et suos posteros omnimodo transferentes, promittentes et assumentes ipsum memoratum magistrum Petrum suos heredes legitimosque successores ab universis ipsum vel ipsos in possessione praemissae domus et curiae infestare seu inquietare nitentibus propriis fatigiis, laboribus et expensis contra quoslibet impugnatores praevia ratione velle disbrigare et in pacifico dominio [S. 293] iuxta nostrae civitatis consuetudinem indempniter conservare. Ne igitur saepefatus magister Petrus aut sui heredes versutia vel calliditate quorumcumque temporum in processu ratione eiusdem fundi valeant inquietare praesentes sigilii nostri maioris robore sub appensi duximus ad cautelam concedendas. Datum sabbato die proximo festum Kathedrae beati Petri apostoli antecedente, anno domini millesimo et cetera quinquagesimo.


1) Hierauf war ein Zusatz über der Zeile nachgetragen, welcher wieder radiert worden ist. [2x]^{^}