Urkunde Nr. 2687 aus Band V

Seite im UB:

282

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Sammlung Brukenthal [Colecţia Brukenthal] (Inventar 80-125).

Druckvorlage:

nach Abschrift

Abdruck als:

Volltext

Sprache:

Latein

---

2687

1449 Oktober 27 Das Weissenburger Kapitel beglaubigt die Urkunde König Andreas II. von 1223 Nr. »38 über die Schenkung Michelsbergs an die Kerzer Abtei.

Capitulum ecclesiae Transsylvanae universis et singulis Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod discretus Caspar Robalth de Brassovia presbiter in Cibinio capellanus coram nobis personaliter constitutus exhibuit nobis quoddam privilegium regis Andreae cum litera vetusta descriptum et sigillo orbiculare ad modum medii panis munitum , in quo quidem sigillo orbiculari erat imago regis in maiestate sedentis coronam habens in capite, sceptrum in dextra et pomum cum cruce desuper in sinistra manum eandem ad pectus comprimendo ex utraque autem parte imaginis erant duae figurae et ut considerari poterat, in parte dextra imago solis, in sinistra lunae, inter cuius cornua erat imago stellae, in circuitu autem imaginis erant duo lineamenta orbicularia, in proxima autem linea circa imaginem cum minori litera vetusta erat exculptum sigillum secundi Andreae regis, tertii Belae regis filii, in extrema autem linea cum maiori scripturae litera erat descriptum: Andreas dei gratia Hung. Dalm . Croat. Ramae Serviae Galliciae rex. Supplicavitque nobis idem Caspar presbiter, quatenus idem privilegium de verbo ad verbum transscribi et transsumi facere transsumtumque et transsriptum in debita forma nostro sub sigillo eidem concedere dignaremur uberiorem ad cautelam. Cuius tenor is est: (Folgt die Urkunde Andreas II. von 1223 Nr. »38.) Nos vero iustis ipsius supplicationibus annuentes idem privilegium de verbo ad verbum transscribi et transsumi fecimus transsumptumque et transscriptum eidem in forma solita duximus concedendum uberiorem ad cautelam. In quorum testimonium et fidem praesentes nostras literas munimine nostri sigilii pendentis duximus roborari. Datum vicesima septima die mensis Octobris, anno domini millesimo quadringentesimo quadragesimo nono.