Urkunde Nr. 2676 aus Band V

Seite im UB:

273-274

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 112.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2676

1449 Mai 13 Gräf Petrus von Kronstadt bezeugt, dass er vor Jahren seine Drittel-Besitzanteile in Zărneşti und Tohan dem öffentlichen Notar Nikolaus Thoscha vermacht hat.

[S. 274] Ego Petrus Anthonii alias Petrus comes dictus de Brascho sponte, libere, pure, non vi, dolo, fraude ac metu coactus vel aliquali machinatione inductus vel circumventus sed ex certa scientia mera et libera voluntate mature deliberatus zelo iustitiae solum deum prae oculis habendo ad meam recurrens conscientiam meram et puram propter futura litigia evitanda, quae ex infrascriptis oriri possint. Ideo alta et viva voce palam publice recognosco et facio manifestum per praesens scriptum, quod provido viro Nicolao Thoscha, notario publico, in certis temporibus retroactis omne et totum ius meum in directis tertiis partibus villarum Zerne et Thuhan vocatarum in comitatu Albensi existentium, quae olim Herbordi, filii Nicolai de Fekethehalm praefuisse dinoscuntur, simul cum omnibus utilitatibus suis et pertinentiis quibuscumque contuli, dedi et libere assignavi pro tunc prout ex nunc et prout ex tunc ipsi Nicolao notario et heredibus suis temporibus perpetuis irrevocabiliter et per omnia sicut dispositum fuerat, pro tunc ex consimili donatione et dispositione Anthoni Sander piae reminiscentiae quondam patris mei carissimi. In cuius rei evidentiam et legitimi roboris sigillum meum proprium et consuetum praesentibus est impressum unacum sigillo honorabili Thomae de Krasna presbiteri et cetera. Datum anno domini millesimo quadringentesimo quadragesimo nono, in die sancti Servacii episcopi.