Urkunde Nr. 2673 aus Band V

Seite im UB:

272

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2673

Ofen 1449 März 30 Die Prälaten, Barone und Grossen des ungarischen Reiches fordern den Rat von Hermannstadt auf, ihre Mitbürger Oswald und Michael von Alzen zur Zahlung des strittigen Martinszinsbetrages der Zwei Stühle an Jost von Kussow zu verhalten.

Praelati, barones, nobiles et proceres regni Hungariae universi prudentibus et circumspectis viris iudici et iuratis civibus civitatis Cibiniensis salutem et favorem. Cum providi viri Osualdus et Michael de Olchna concives vestri contra egregium Jodocum de Kasso, capitaneum castri Wegles vocati, vigore aliarum literarum nostrarum sententionalium exinde confectarum in praesentibus octavis festi epiphaniarum domini in amissione actionis praetextu certorum censuum sedium Selk et Megyes vocatarum partium Transsiluanarum in ipsas partes exortae, convicti sint et aggravati, huiusquidem sententiae executionem ob favorem honoris vestri vestrae committimus prudentiae per praesentes. Igitur vos requirimus et nihilominus committimus vobis, quatenus receptis praesentibus absque favore et difficultate iuxta contenta dictae sententiae nostrae sed et alias legitimas comprobationes praefati Jodoci praefatos Oswaldum et Michaelem de Olchna ad omnimodam satisfactionem praescriptorum censuum praetitulato Jodoco fiendam taliter compellatis et astringatis, ut idem Jodocus pro abnegata sibi superinde satisfactione ampliores non subeat labores et expensas, quoniam si quis ex vobis propterea alibi fuerit cum bonis suis arrestatus¹⁾ prout consuetudo regni nostri dictat, nemini poteritis imputare, nisi vobismet ipsis. Aliud ergo non facturi, praesentibus quoque perlectis exhibenti restitutis. Datum Budae in dominica Judica, anno domini millesimo quadringentesimo quadragesimo nono.


1) rre auf Rasur.^{^}