Urkunde Nr. 2669 aus Band V

Seite im UB:

270-271

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2669

Ofen 1449 Februar 24 Die Prälaten, Barone und Grossen des ungarischen Reiches verurteilen die Hermannstädter Bürger Oswald und Michael von Alzen zur Zahlung des strittigen Martinszinsbetrages der Zwei Stühle an Jost von Kussow.

Nos praelati, barones, nobiles ac proceres regni Hungariae universis memoriae commendamus, quod nobis in praesentibus octavis festi epiphaniarum domini unacum nostris assessoribus in sede iudiciaria consedentibus, causalesque processus regnicolarum iusto iuris tramite discutientibus Augustinus de Palahtha pro egregio Justh de Kasso, capitaneo castri Wegles vocati, cum procuratoriis literis conventus ecclesiae de Saag nostram veniens in praesentiam, exhibuit nobis quasdam duas literas unam domini Johannis de Hwnyad gubernatoris, prorogatoriam pariter et transmissionalem nobis loquentem, et aliam nostram iudicialem exinde emanatam declarans, quod annotatus dominus Johannes gubernator, causam quam praefatus egregius Justh de Kasso, capitaneus castri Wegles vocati, contra providos viros Osualdum et Michaelem de Olczna, cives civitatis Cibiniensis, super facto censuum sedium Selk et Meggyes vocatarum partium Transsiluanarum alias in anno domini millesimo quadringentesimo tricesimo octavo provenientium, feria quinta proxima ante festum beati Martini confessoris in anno domini millesimo quadringentesimo quadragesimo septimo praeterita¹⁾ coram ipso scilicet domino gubernatore movere habuissent, ipse dominus gubernator propter ingressum exercitus contra nefandum Wlaad vaivodam Transalpinum instaurati, statu in eodem nostram in praesentiam ad octavas festi Epiphaniarum domini tunc venturas²⁾ duxisset prorogandam eomodo, ut partes praenotatae octavis in eisdem vigore dictarum literarum suarum prorogatoriarum transmissionalium coram nobis comparere et discussionem in praemissis recipere debuissent, tali conditione mediante, quod si qua partium coram nobis octavis in praedictis non compareret extunc actionem suam causa in praemissa habitam amitteret eo facto. Ipsis denique octavis advenientibus praefati Osualdus et Michael de Olczna cives praedictae civitatis Cibiniensis per annotatum procuratorem dicti Justh in eiusdem persona congruis diebus ipsarum octavarum coram nobis expectati discussionem in praemissis recepturi nostram in praesentiam non venissent neque misissent, sed se in obligaminibus in dictis literis annotati domini gubernatoris expressatis puta in amissione actionis eorum praenotatae convinci et aggravari permisissent, quibus quidem literis praesentatis praefatus procurator dicti Justh [S. 271] eidem ex parte annotatorum civium civitatis Cibiniensis per nos in praemissis iuris aequitatem petivit impertiri. Verum quia veluti ex continentiis praeexhibitarum literarum annotati domini Johannis gubernatoris transmissionalium pariter et prorogatoriarum ac nostrarum iudicialium exinde confectarum clare continetur, ut memorati Osualdus et Michael cives civitatis Cibiniensis in praesentibus octavis festi epiphaniarum domini²⁾ discussionem causae recepturi nostram veluti iudicum suorum ordinariorum in praesentiam venire vel mittere non curasse, sed se in obligaminibus in dictis literis domini gubernatoris contentis et expressatis convictos et aggravatos permisisse comperimus. Manifeste ob hoc eosdem Osualdum et Michaelem cives civitatis Cibiniensis rationibus ex praeviis, in praescriptis obligaminibus in dictis literis domini gubernatoris expressatis, puta in solutione praescriptorum censuum dictarum sedium Selk et Meggyes, alias in dicto anno domini millesimo quadringentesimo tricesimo octavo provenientium ipsi Justh fienda duximus et decrevimus fore convictos et condemnatos, immo condemnatos et convictos fore decernimus³⁾ vigore et testimonio praesentium mediante. Datum Budae, quadragesimo tertio die octavarum festi epiphaniarum domini praedictarum, anno⁴⁾ eiusdem millesimo quadringentesimo quadragesimo nono.


1) September 28.^{^}
2) Januar 13. [2x]^{^}
3) ernimus auf Rasur.^{^}
4) Hierauf durchgestrichen domini, sodann darüber nachgetragen eiusdem.^{^}