Urkunde Nr. 2652 aus Band V

Seite im UB:

259

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 2645.

Druckvorlage:

nach Original

Abdruck als:

Volltext

Sprache:

Latein

---

2652

Mühlbach 1448 Juli 31 Der Gubernator Johannes von Hunyad nimmt die Bewohner von Bulkesch und Seiden gegen die Gewalttaten der Kastellane von Kokelburg in Schutz.

Nos Johannes de Hwnyad regni Hungariae gubernator et cetera vobis castellanis in castro Kykelewar vocato constitutis firmiter committimus et sub poenis capitum aliud habere nolentes mandamus, quatenus statim visis praesentibus super spoliis et dampnis ac piscium et aliarum rerum ablationibus per vos his proximis praeteritis diebus a populis et inhabitatoribus villae Bolkach factis et illatis coram discretis viris plebanis de Bolkach praedicta et de Sythwe sine defectu omnimodam impendere debeatis satisfactionem amodoque in antea nulla dampna, iniurias et molestationes populis et inhabitatoribus dictarum villarum Sythwe et Bolkach quoquomodo inferre aut victualia ab ipsis petere et exigere praesumatis. Alioquin commisimus et harum serie firmiter committimus praescriptis populis et inhabitatoribus dictarum villarum Sythwe et Bolkach, ut ipsis invocato auxilio et iuvamine universorum Saxonum et aliorum hominum ad id opportunorum, quae auxilium et iuvamen ad haec facienda praebere mandamus et in hac parte eisdem Saxonibus plenam concedimus auctoritatem et postestatem, vos et vestrum quemlibet ubicumque vos reperire poterint, in personis detinere, rotare et cum palis transfigi et in furcas suspendere debeant omnibus. Aliud ergo, si talia pericula incurrere pertimescitis, facere non praesumatis praesentesque post earum lecturam reddi iubemus praesentanti. Datum in Zazsebes in profesto ad vincula beati Petri apostoli, anno domini MCCCCXL octavo.