Urkunde Nr. 2639 aus Band V

Seite im UB:

245

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Bischofsurkunden [Colecţia de documente episcopale] (Inventar 1), B. U. Nr. 22.

Druckvorlage:

nach Original

Abdruck als:

Volltext

Sprache:

Latein

---

2639

Rom 1448 März 20 Die Kardinäle Georg, Johannes und Prosper verleihen der Nikolauskirche in Neithausen einen Ablass von 100 Tagen, den der siebenbürgische Bischof Matthäus um 40 Tage vermehrt.

Georgius¹⁾ tituli sanctae Anastasiae presbiter, Johannes¹⁾ tituli sanctae Praxedis presbiter, Prosper¹⁾ tituli sancti Georgii ad velum aureum, miseratione divina sacrosanctae Romanae ecclesiae cardinales, universis et singulis praesentes literas inspecturis salutem in domino sempiternam. Splendor paternae gloriae, qui sua mundum illumina ineffabili claritate pia vota fidelium de ipsius clementissima maiestate sperantium tunc praecipue benigno favore prosequitur cum devota ipsorum humilitas sanctorum precibus et meritis adiuvatur. Cupientes igitur, ut ecclesia parochialis sancti Nicolai in villa Nethusen, Albensis diocesis, congruis frequentetur honoribus fidelesque ipsi eo libentius devotionis causa confluant ad illam quo ibidem dono coelestis gratiae uberius noverint se refectos et a Christi fidelibus iugiter veneretur de omnipotentis dei misericordia et beatorum Petri et Pauli apostolorum eius auctoritate confisi omnibus et singulis vere poenitentibus et confessis qui dictam ecclesiam in nativitatis, circumcisionis, epiphaniae, resurrectionis, ascensionis, pentecostes, trinitatis et corporis domini nostri Jehsu Christi nec non nativitatis, annuntiationis, conceptionis, visitationis, purificationis atque assumptionis beatae Mariae semper virginis ac nativitatis beati Johannis Batistae, omnium apostolorum, quatuor evangelistarum et quatuor ecclesiae doctorum singulisque diebus dominicis et rogationum omniumque sanctorum et ipsius ecclesiae dedicationis festivitatibus et celebritate devote visitaverint annuatim et ad reparationem et conservationem aedificii calicum, librorum et aliorum ornamentorum pro divino cultu inibi necessariorum quotienscumque manus porrexerint adiutrices ac alias orationem dominicalem cum salutatione angelica tribus vicibus inibi quotienscumque oraverint, nos cardinales praefati et quilibet nostrum pro qualibet die festivitatum et vice centum dies de iniunctis eis poenitentiis misericorditer in domino relaxamus praesentibus perpetue duraturis. In quorum fidem et testimonium praesentes literas fieri, nostrorumque sigillorum iussimus et fecimus appensione communiri. Datum Romae, anno a nativitate domini millesimo quadringentesimo quadragesimo octavo die vicesima mensis Martii, pontificatus domini nostri domini Nicolai papae quinti anno secundo. Et²⁾ nos Matheus dei et apostolicae sedis gratia episcopus Transsiluanus de omnipotentis dei misericordia et beatorum Petri et Pauli apostolorum eius auctoritate confisi praemissis indulgentiis modo praeviso concessis quadraginta dierum indulgentias adicimus.

Auf der Rückseite von gleichzeitiger Hand: Pro domino Cristanno de Nithusia.

Von anderer Hand des 15. Jh.s: Exigen in ... summa indulgenciarum 300 dies et XL dies. [S. 246]


1) In verlängerter Schrift.[3x]^{^}
2) Von hier an von anderer Hand und mit anderer Tinte.^{^}