Urkunde Nr. 2632 aus Band V

Seite im UB:

241

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 110a.

Druckvorlage:

nach Original

Abdruck als:

Volltext

Sprache:

Latein

---

2632

Mühlbach 1448 Februar 20 Der Gubernator Johannes von Hunyad beauftragt die Kastellane von Törzburg Nikolaus de Bizere und Valentin von Weisskirch Sorge zu tragen, dass die Szekler des Stuhles Kizdi den Sachsen von Kronstadt 42 zu Unrecht eingewehrte Ochsen zurückgeben.

Johannes de Hwnyad regni Hungariae gubernator et cetera egregiis viris Nicolao de Bizere et Valentino de Feyereghaz castellanis nostris castri Therch vocati vel ipsorum vicesgerentibus salutem cum dilectione. Quia nos prout ex naratione magnifici Johannis Zekel fratris nostri ac egregiorum Nicolai de Wyzakna et Johannis Gereb intelleximus, ut universi Siculi in sede Kysdi existentes Sandrinum de Kysdi in receptione et ablatione quadraginta duorum bovum Saxonum de Brassouia in quadam prohibita via de Moldauia veniente facta contra omnes defensaturum polliciti fuissent, quibus habitis quia praenarrata via non de voluntate Saxonum sed solum ex proprio motu eorundem Siculorum prohibita ex eoque dicti boves per memoratum Sandrinum indebite recepti fore videbantur. Pro eo vestris dilectionibus firmiter committimus, quatenus statim visis praesentibus sine omni ulteriori dilatione ex parte memoratorum universorum Siculorum sedis Kysdi super praescriptis quadraginta duobus bobus per iamfatum Sandrinum receptis eo quod dictum Sandrinum ipsi Siculi expedire et defendere polliciti sunt antedictis Saxonibus Brassouiensibus omnimodam satisfactionem impendere et exhibere debeatis. Aliud non ausuri facere in praemissis. Praesentibus perlectis exhibenti restitutis. Datum in Zazsebes feria tertia proxima ante dominicam Oculi, anno domini MCCCCXL^mo octavo.