Urkunde Nr. 2626 aus Band V

Seite im UB:

239

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 158.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2626

Oderhellen 1448 Januar 17 Der Gubernator Johannes von Hunyad beauftragt das Weissenburger Kapitel, bei der Einführung des Pfarrers Petrus von Marienburg in den Besitz der seiner Kirche vermachten Mühle mitzuwirken.

Johannes de Hwnyad regni Hungariae gubernator honorabili capitulo ecclesiae Transsiluanae salutem cum favore. Dicit nobis honorabilis dominus Petrus plebanus ecclesiae parochialis de Feldwar, quomodo ipse in dominium cuiusdam molendini superioris quod communitatis civium de dicta Feldwar praefuisset in fluvio Hamoroth vocato decurrente in dicta Ffeldwar habiti ipsum ac ecclesiam beatae Mariae virginis in dicta Feldwar constructam vigore nostrae donationis contingens legittime vellet introire, super quo honorabilitatem vestram praesentibus requirimus diligenter, quatenus vestrum mittatis hominem pro testimonio fidedignum, quo praesente Valentinus de Hydweg vel Anthonius Nemes de eadem aut alter Anthonius de Arapathaka aliis absentinus homo noster ad faciem dicti molendini vicinis et commetaneis suis universis inibi legitime convocatis et praesentibus accedendo introducat praefatum dominum Petrum plebanum et dictam ecclesiam in dominium eiusdem molendini statuatque idem cum singulis suis proventibus eisdem praemissae nostrae donationis titulo ipsis incumbentibus perpetuo possidendum si non fuerit contradictum, contradictores vero si qui fuerint evocet ipsos contra praefatum dominum Petrum plebanum in praesentiam vicevaivodarum Transsiluanorum ad terminum competentem rationem contradictionis reddituros. Et post haec huiusmodi introductionis et statutionis seriem cum contradictorum et evocatorum si qui fuerint vicinorumque et commetaneorum, qui praemissae statutioni intererunt nominibus terminoque assignato eisdem vicevaivodis suo modo rescribatis. Datum in Odwarhel feria quarta proxima ante festum beatorum Fabiani et Sebastiani martirum, anno domini millesimo quadringentesimo quadragesimo octavo.