Urkunde Nr. 2616 aus Band V
- Seite im UB:
- 226
- Heute in:
- Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]
- Heutige Signatur:
- Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 106.
- Druckvorlage:
- nach Original
- Abdruck als:
- Volltext
- Sprache:
- Latein
2616
1447 Dezember 13 Das Weissenburger Kapitel bezeugt, dass Gräf Peter, gewesener Richter von Kronstadt, seine Besitzanteile in Zărneşti und Tohan der Heilig-Leichnams-Bruderschaft an der Kronstädter Marienkirche vermacht hat. Orig. Perg. Arh. St. Braşov, Priv. 106. Siegel, spitzoval, 5,7 + 3,5 cm, weisses Wachs in Wachsschüssel an weiss-roter Seidenschnur angehängt. -- [Auch] eingeschaltet vom Gubernator Johannes von Hunyad 1447 [= UB Nr.
»2620] und von König Ladislaus 1454 [= UB Nr.
»2908], Orig. ebenda.
Capitulum ecclesiae Transiluanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod nobilis et prudens vir Petrus comes, filius quondam Anthonii, alias iudex civitatis Brassouiensis, coram nobis personaliter constitutus passus extitit ac votivo desiderio exponere curavit in hunc modum. Quod cum praesentis vitae conditio statum haberet instabilem et ea quae haberent essentiam tenderent visibiliter ad non esse, idcirco ipse sedula cogitatione praemeditatus diem suae peregrinationis extremae dispositione salubri desiderans praevenire universas portiones suas possessionarias in possessionibus Zernee et Tuha vocatis in comitatu Albensi existentibus habitas ipsum iure hereditario concernentes ob spem suae salutis ac animarum progenitorum suorum perpetuum refrigerium kalendis seu confraternitatibus pretiosissimi corporis Christi ibidem in ecclesia parochiali beatissimae virginis Mariae constitutis cum omnibus suis iuribus, fructibus utilitatibus et pertinentiis quilibet legavisset et comisisset imo legavit et commisit coram nobis talibus conditionibus sub expressis, quod singulis diebus perpetuis futuris temporibus unam missam ob reverentiam praedicti almi corporis Christi praemissa confraternitas seu kalenda in lectorio consueto in dicta ecclesia beatae Mariae virginis constructo legere faciat vel cantare. In cuius rei memoriam perpetuamque firmitatem praesentes literas privilegiales sigillo nostro pendenti duximus concedendas. Datum in festo beatae Luciae virginis et martyris, anno domini millesimo quadringentesimo quadragesimo septimo. Honorabilibus et discretis viris dominis Andrea praeposito, Mychaele custode et Emerico decano ceterisque canonicis ecclesiae nostrae praedictae existentibus salubriter et devote. [S. 227]