Urkunde Nr. 2608 aus Band V

Seite im UB:

216-217

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 67 245 - Familienarchiv Radák (Családi levéltárak, Radák család) Nr. 9.

Druckvorlage:

nach Original

Abdruck als:

Volltext

Sprache:

Latein

---

2608

Schässburg 1447 November 12 Der Gubernator Johannes von Hunyad verleiht den Adligen von Wassid, Bell und Kaltwasser die Hochgerichtsbarkeit.

Nos Johannes de Hwnyad regni Hungariae gubernator et cetera memoriae commendamus tenore praesentium significantes quibus expedit universis, quod nos tum ad humillimae supplicationis instantiam egregii Nicolay de Wyzakna pridem vicevaivodae¹⁾ Transsiluanensis per eum nobis propterea porrectae tum²⁾ etenim sicuti nobis interest providere ut in terris nostro regimini subiectis pax et securitas cunctis praebeatur, malefactorum autem et nocivorum hominum perversitas et iniquitas deleatur iustique et innocentes victuum suorum necessaria iuste acquirentes pace fruantur sub nostra protectione, sic non minus attentis et consideratis fidelitatibus et fidelium servitiorum meritis Laurencii, Petry et Johannis de Wezzed ac Thomae de Bolia et Gregorii de Hydeghwyz per eos sacrae regni Hungariae coronae et ex post nobis sub locorum et temporum varietate exhibitis et impensis eisdem Laurencio, Petry et Johanni de dicta Wezzed ac Thomae de Bolia et Gregorio de praetacta Hydegwyz ipsorumque heredibus universis de plenitudine nostrae potestatis auctoritate id duximus annuendum plenamque facultatem et potestatem dandas et attribuendas, ut ipsi in territorio universarum eorum possessionum ubivis habitarum et existentium patibulum rotamque, palos ac aliorum tormentorum genera erigere universosque fures, latrones, vispiliones, domorum incensores, homicidas aliosque quoslibet malefactores in praedictis eorum possessionibus ac intra veras metas et in territorio earundem publicis et manifestis sceleribus et maleficiis iuridice deprehensos in personis detinere et detentos prout iuri videbitur expedire laqueis suspendere, rotare, decollare, incinerare et iuxta eorum excessus et demerita aliis poenis condignis ferire et necare omniaque alia et singula, quae in [S. 217] praemissis iuxta regni Hungariae legem et consuetudinem de iure fieri consueverunt, facienda facere et exercere valeant atque possint ex praesenti nostra concessione et gratia speciali harum nostrarum. Quibus sigillum nostrum, quo uti gubernator regni fungimur, est appensum, vigore et testimonio literarum mediante. Datum in Segeswar secundo die festi beati Martini episcopi et confessoris, anno domini millesimo quadringentesimo quadragesimo septimo.

Von der Kanzlei: Relatio Nicolai de Wyzakna.

(1) Vice über der Zeile nachgetragen.
(2) Vorlage tumque; que durchgestrichen.