Urkunde Nr. 2605 aus Band V

Seite im UB:

213-215

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Eintragung / Konzept

Abdruck als:

Volltext

Sprache:

Latein

---

2605

1447 November 5 Testament des Nikolaus Apa von Nuşeni / Grossendorf.

In nomine domini amen. Anno eiusdem domini nostri Jesu Christi millesimo quadringentesimo quadragesimo septimo nos Nicolaus filius Apa de Nagfalu in festo Emerici ducis coram honorabilibus dominis Nicolao de Bethlen, Jacobo de Bozzyas et Petro de eadem Nagfalu plebano¹⁾ non compulsus nec coactus sed propria voluntate pro uberiori reformatione conscientiae nostrae et restauratione nostrorum successorum tale facimus testamentum. Item primo committimus, quod possessiones, quae concernunt filios et filias per uxorem nostram ad ipsos devolutae iure haereditario, iuxta limitationem et dispositionem bonorum virorum aequaliter inter se dividant et absque litis ingressione quilibet debet possidere suam portionem possessionariam. Item filiam nostram Barbaram et Michaelem filium nostrum cum omnibus suis iuribus possessionariis, prout iuris ordo dictat, tuitioni et protectioni egregii domini Anthonii de Betlen fratris nostri condivisionalis²⁾ legamus et committimus tali tamen conditione interserta, quod idem dominus Anthonius frater³⁾ noster nullam desolationem in possessionibus filii nostri facere debeat, immoverius augmentare tamquam verus tutor debeat. Committimus etiam, ut idem Anthonius de Betlen absque consilio Dionisii de Farnas nil facere valeat, etiam committimus, quod possessiones nec aliquali occasioni dividantur tam ex parte filii nostri, quam etiam ex parte quartae puellaris, sed sub uno tutore fore permaneant. Item committimus, quod Michael puer noster debet esse sub flagello < >⁴⁾ faciant. Item committimus, quod Dionisius de Farnas propter puerum propria in persona [S. 214] conveniat cum magistro civium de Segeswar ratione conservationis ipsius pueri, item committimus, quod pro censu annuali iobbagiones nostros ultra registrum infestari seu angariari non praesumant. I t e m Almakerek debet solvere LX florenos auri. Item Redal et Wyfalu XL florenos auri, item Hondorf et Erneyw XXL florenos auri, ittem Ywfalu XL florenos auri, item Byden et Encz XXXII florenos auri, item Nagfalu XX florenos auri, item duae possessiones Orozfalua XII florenos auri, item Arpastho et Dechew XII florenos auri absque illis, quamdiu libertas iobbagionum aliquorum explebuntur. Item committimus vobis tutoribus, quod familiares nostros in possessionibus nostris existentes eisdem libertatibus perfrui permittant et debeant ipsique familiares nostri praedicto domino Anthonio de Betlen et Dionisio de Farnas fideliter servitia ipsis exhibeant et ipsis in omnibus obtemperare et obedire mandatis debeant, sicuti usque huc nobis fecerunt. Item committimus, quod in possessionibus nostris praesentes iudices per nos deputatos fieri permittant item committimus, quod deus avertat, si idem Dionisius Weres mortuus extiterit, ex tunc domina Margareta olim filii nostri conthoralis matris ipsius Dionisii contra omnes tutores in possessionem nostram ad filium suum nomine tutoris revenire valeat atque possit. Item committimus, ut cum praedictus puer Michael filius noster pervenerit ad adultam aetatem, dum se regere possit, sine consilio familiarum nostrorum modernorum nihil facere praesumat. Item committimus, ut praedictos census singulis annis levatos ad conservandum deponant circa unum probum virum et conservari puero. Ante omnia autem committimus ut Barbaram filiam nostram nuptui tradere, de rebus praedictis cum summo honore debeant. Item committimus et legamus de pecoribus scilicet bobus, porcis, ovibus directam dimidietatem dominae Margaretae conthorali olim filii , nostri Ladislai, alteram partem alii filii et filiae inter se dividant iuxta consuetudinem. Item picarium magnum, quod dominus imperator nobis dederat, legamus ecclesiae sancti Gerardi in Nagfalu fundatae, item habemus tria picaria Zerlach vocata et quinque coclearia argentea et duas loricas, legamus puero Michaeli filio nostro. Item unum picarium adhunc habemus, quod legamus pro XXX^ta missis capellanis et altaristis in ecclesia Albensi. Item Valentino familiari nostro legamus quod praecium equi sui per nos ab ipso emti restituant, insuper III florenos auri ei dare debeant. Item Garfas legamus et committimus de praeteritis censibus in Borgo non levatis et praesentibus II florenos auri, item Johanni Soos II florenos auri, item Petro plebano nostro de Nagfalu legamus sex florenos auri, item Michaeli de Zenthiuan II florenos auri, item Nicolao literato II florenos auri < >⁵⁾ feretrum cum pulvinaribus lintraminibus sex, ac suppellectiliis et mastucam et universis utilitatibus ad id pertinentibus Petro plebano nostro de Nagfalu pro XXX missis pro salute animae nostrae obsequae. Item etiam eidem Petro sacerdoti tunicam nostram cum pallio et duas mitras cum caliga legamus, ut habeat me in memoria perpetua in orationibus suis. Item Ladislao Zekel II florenos auri, item Georgio iudici pannum pro uno pallio, de panno Kolonya, item Hedri obligamur XXXII florenos auri satisfactione committimus item Geruasio sartori iuxta conventionem satisfaciant, item principaliter committimus, ut decimas molendinorum in possessione Wyfalu, Nagfalu et inferius in Orozfalu dum < >⁶⁾ semper absque contradictione aliquali plebanis de Nagfalu servitori ecclesiae nostrae et sancti Gerardi decimas dari legamus perpetue durature. Item committimus ut in ecclesia nostra sancti Gerardi in Nagfalu XXX^ta missas propter salutem animae nostrae post obitum nostrum, cum vigiliis et placeto exsequi debeant et similiter in ecclesia de Almakerek XXX^ta missis et vigiliis. Item committimus, quod singulis annis de proventibus possessionum nostrarum unam quartam emant plebano de Nagfalu eiusdem possessionis, item ex parte Waradia contra capitulum, item ex parte Legen et Peterlaka [S. 215] contra Oswaldum filium Janka de Ews, item ex parte Peterfalua et Appafalua contra Hedri et ipsius prolis expensas universas in litem super possessiones praefatas expositas, Petro de Trozko legamus. Item committimus, quod cum idem Petrus de Trozko literam expeditoriam super XXXII florenos ex parte Hedri et ipsius haeredibus, quibus debitores sumus, adduxerit ipsos XXXII florenos auri Petro de bonis nostris satisfaciant. Hoc registrum testamenti non coactus nec compulsus sed propria voluntate pro restauratione conscientiae nostrae et status successorum nostrorum fecimus, ratum et firmum inclusive duraturum, per anni circulum, pro cuius evidentia sigillorum praedictorum dominorum et nostri sub impressione fecimus communiri. Executores nostri sint egregius Anthonius de Betlen et Dionisius de Farnas. Datum die et loco quibus supra coram generosa domina Margareta conthorali quondam Ladislai, filii ipsius Nicolai Apafy, et Johanne magistro et Geruasio familiaribus discretis.


1) Vorlage plebani.^{^}
2) Vorlage -i.^{^}
3) Hierauf nri durchgestrichen.^{^}
4) Schrift im Bruch unleserlich 7,2 cm breit.^{^}
5) Lücke 8,5 cm breit.^{^}
6) Lücke 2,8 cm breit.^{^}