Urkunde Nr. 2604 aus Band V

Seite im UB:

212-213

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 119.

Druckvorlage:

nach Original

Abdruck als:

Volltext

Sprache:

Latein

---

2604

Mediasch 1447 November 4 Der Gubernator Johannes von Hunyad verbietet den siebenbürgischen Würdenträgern und Grundherrn, Jobagyen, die sich auf dem Gebiet der Sieben und Zwei Stühle und der Städte und Distrikte niederlassen wollen bzw. sich niedergelassen haben, irgendwie zu behindern und befiehlt, die aus ihrer Mitte mit Gewalt entführten Leute wieder freizugeben.

Johannes de Hwnyad regni Hungariae gubernator magnificis vaivodis ac eorum vicevaivodis nec non comitibus, castellanis, nobilibus et iudicibus nobilium alteriusque cuiusvis status et conditionis hominibus possessionatis praesentium notitiam habituris salutem cum favore. Noveritis quod iuxta antiquas libertates, iura, privilegia et consuetudines septem sedium et duarum sedium, nec non districtuum et civitatum Saxonicalium harum partium Transsiluanarum quilibet hominum cuiuscumque status et conditionis existat, libere, pacifice et absque impedimento morandi causa ad quaecumque loca maluerit, libere se valeat transferre et quicumque iobbagionum de quibuscumque possessionibus nobilium et possessionatorum hominum ad civitates, oppida et villas Saxonum sedium praemissarum se morandi causa transtulerint, ipsi Saxones huiusmodi iobbagiones ad quascumque literas regales, vaivodales aut aliorum quorumcumque prout ex ipsorum Saxonum privilegiis certitudinaliter sumus informati ad ipsorum pristina habitacula remittere et remitti minime dinoscuntur fore astricti seu obligati. Quos quidem Saxones, in omnibus eorum iuribus, consuetudinibus, [S. 213] antiquis et libertatibus volumus pro semper conservare. Vestras propterea amicitias attente requirimus, eisdem auctoritate gubernationis nostrae seriose committendo mandamus, quatenus a modo deinceps, nostris aut aliorum quorumcumque literis harum in contrarium datis vel dandis non obstantibus quibuscumque praefatos Saxones, ad id¹⁾ ut ipsi quoscumque iobbagiones, qui de quibuscumque possessionibus in ipsorum medium se morandi causa transtulerint seu transtulissent aut in futurum transferrent vice versa, eorum e medio extradare et ad pristina eorum habitacula remittere debeant, nullo modo compellere et astringere praesumatis . Quin immo iobbagiones, quos aliqui vestrum vi et potentialiter e medio ipsorum abstulerunt, eisdem Saxonibus absque contradictione reddere et restituere debeatis. Si quis autem harum in contrarium facere attemptaverit, extunc praesentium vigore praedictis Saxonibus plenam et o omnimodam praebemus facultatem et potestatis nostrae auctoritatem, ut ipsi cum tota ipsorum potentia, ipsis harum in contrarium faciendo potentia liter resistere et se in eorum iuribus conservare iuraque et libertates suas defensare, manuque tenere debeant et valeant omnibus modi. Aliud in praemissis facere minime ausuri, praesentes denique perlectas reddi iubemus praesentanti. Datum in Meggyes quarta die festi omnium sanctorum, anno domini MCCCCXL^mo septimo.


a) Im UB Abbildung der Urkunde auf Tafel IV, unten als »Abb.. ^{^}

1) Hierauf ipsi durchgestrichen.^{^}

Abb.