Urkunde Nr. 2596 aus Band V

Seite im UB:

207-208

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 13.

Druckvorlage:

nach Original

Abdruck als:

Volltext

Sprache:

Latein

---

2596

1447 August 10 Antonius, Dekan des Burzenländer Kapitels, bezeugt, dass Petrus, der Kaplan der Martinskapelle, mit dem öffentlichen Notar Nikolaus Thoscha, dem er 50 Goldgulden schuldet, über die Stundung dieser Summe ein Übereinkommen getroffen hat.

Nos Anthonius plebanus de Monte Mellis, necnon decanus sedis Braschouiensis, memoriae comendamus tenore praesentium significantes, quod cum nos in ambitu orti¹⁾ plebani Braschouiensis pro moderativo faciendo iudicio sedissemus nostri in praesentiam ac nostrorum coassessorum propalando honorabilis vir Petrus, capellanarius capellae monti sancti Martini episcopi civitatis Braschouiensis extra muros, Strigoniensis iurisdictionis, una cum provido viro Nicolao Thoscha, notario publico et concivi de eadem recognovit²⁾, quomodo iustis ex rationibus ipse Petrus supradictus ipsi Nicolao Thoscha dicto publico notario in quinquaginta florenis auri puri ungaricalis monetae obligatorio teneretur et ipsius heredibus, quosquidem florenos pro evidenti utilitate supradictae capellae exponere³⁾ curasset. Insuper retulit dicens, quod fundum curiae regalis ex opposito monasterii sanctorum apostolorum Petri et Pauli in dicta civitate Brascho ex pia devotione et collatione imperiali capellae nunc dictae minime obtinere valuisset nisi continuus succursus ipsius Nicolai notarii sibi affuisset, ista tamen non parvipendens ipse Petrus se animo cum deliberato in recompensum benivolentiae ipso Nicolao notario annotato et suis heredibus temporibus perpetuis donasset et concessisset, immo libere dedit et donavit, ut latiorem particulam fundi donationis regalis annotati tam ex parte capellae quam ex parte civitatis Brascho census non extollantur, nisi tantum quantum alius fundus ibidem illorum habitantium in fundo inquilinorum exsolvere [S. 208] teneretur. Ex alio tamen perpendens, quod suprascripta debita quinquaginta florenorum de praesenti ipsi Nicolao exsolvere non valeret. Ex tunc omnia bona sua mobilia et immobilia et notanter fundum donationis cum omnibus utilitatibus censuum et pertinentiis quibuscumquc sibi in vadium pignorationis⁴⁾ posuisset immo et posuit donec impensionem satisfactionis completae pro suis debitis haberet, absque ipsius Nicolai notarii nunc saepedicti gravamine, damno, dispendio quibuscumque. In huius rei evidentiam praesentes nostras literas nostri officii sigillo iussimus consignare⁵⁾. Datum in die sancti Laurentii, quae fuit decima mensis Augusti, sub anno domini millesimo quadringentesimo quadragesimo septimo.


1) Gebessert aus ortus.^{^}
2) Vorlage recongnovit.^{^}
3) Über der Zeile.^{^}
4) Vorlage pingnorationis. ^{^}
5) Vorlage consingnare. ^{^}