Urkunde Nr. 2586 aus Band V

Seite im UB:

200

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 118.

Druckvorlage:

nach Original

Abdruck als:

Volltext

Sprache:

Latein

---

2586

Hermannstadt 1447 Juni 7 Die Richter der Sieben Stühle befehlen ihren Richtern und Geschworenen und ersuchen die übrigen Gerichtsinhaber Siebenbürgens, die Kaufleute von Hermannstadt und aus den Sieben Stühlen in ihrer privilegierten Handelsfreiheit auf allen Märkten des Landes zu schützen.

Nos iudices et iurati seniores septem sedium Saxonicalium partium Transsiluanarum memoriae commendamus tenore praesentium significantes quibus expedit universis, quod cum nos die datarum praesentium hic simul congregati fuissemus, exhibitae nobis fuerunt quaedam literae quondam dominorum Sigismundi imperatoris et Alberti regum Hungariae divarum reminiscentiarum super libertatibus et gratiarum praerogativis mercatoribus in civitate Cybiniensi et in septem sedibus Saxonicalibus partium Transsiluanarum commorantibus gratiose concessis et emanatae supplicatumque nobis extitit nomine eorundem mercatorum, quatenus eosdem in medio nostri in huiusmodi libertatibus et gratiarum praerogativis regiis libertatibus eisdem elargitis conservare et conservari facere dignaremur. Nosque istiusmodi petitionibus(1) utputa iustis et legitimis favorose annuentes praenominatos mercatores in suis iustis iuribus volentes conservare, vobis universis et singulis iudicibus, villicis et senioribus iuratis praemissarum septem sedium committimus seriose ceteris cunctis nobilibus, iudicibus, villicis et iusticiariis sedium, civitatum, oppidorum, possessionum et villarum intra ambitum partium Transsiluanarum praescriptarum existentibus supplicamus perattente, quatenus praememoratos mercatores iuxta continentias literarum regalium praetactarum in praenarratis ipsorum libertatibus ipsis gratiose concessis in nundinis et foris vestris contra quoscumque forenses mercatores conservare, protegere et defensare ac conservari et defensari facere dignemini et velitis favorose. Datum Cybinii in nostra generali iudiciaria congregatione in profesto sacratissimi corporis Christi, anno eiusdem millesimo CCCC^o XL^mo septimo.

Auf der Rückseite von einer Hand des 15 Jh.s.: Contra forenses mercatores.


1) Vorlage petititionibus. ^{^}