Urkunde Nr. 2572 aus Band V

Seite im UB:

191

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2572

Zenthfalwa 1447 April 11 Der Gubernator Johannes von Hunyad verpfändet den Thorenburger Bürgern und Salzkanmergrafen Nicolaus Pogan und Emmerich Zyndy für eine Schuld von 1500 Goldgulden die Besitzung Taterloch.

Nos Johannes de Hwnyad regni Hungariae gubernator et cetera memoriae commendamus tenore praesentium significantes quibus expedit universis, quod quia circumspecti viri Nicolaus Pogan et Emericus Zyndy, cives civitatis Thordensis, camerarii salium regalium, ad nostrae requisitionis instantiam ad facta et negotia totius regni Hungariae potissime ad levationem exercitus contra saevissimos Thwrcos instaurati mille et quingentos florenos auri veri et iusti ponderis nobis accomodarunt et assignarunt ad rationem regiae maiestatis. Volentes itaque nos praefatos Nicolaum Pogan et Emmericum Zyndy de rehabitione praenotatorum florenorum auri certos efficere possessionem regalem Thatharlaka vocatam in comitatu de Kykellew partium Transsiluanensium existentem et ad castrum Kykellewar pertinentem in persona regiae maiestatis simul cum cunctis suis utilitatibus et pertinentiis quibuslibet terris scilicet arabilibus, cultis et incultis, agris, pratis, pascuis, silvis, nemoribus, montibus, vallibus, vineis vinearumque promontoriis, aquis, fluviis, piscinis aquarumque decursibus, molendinis et locis molendinorum et generaliter quarumlibet utilitatum et pertinentiarum eiusdem integritatibus quocumque nomine censeantur sub suis veris metis et antiquis memoratis Nicolao Pogan et Emerico Zyndy ipsorumque heredibus universis pro praedictis mille et quingentis florenis auri infra tempus redemptionis eiusdem impignorandam duximus immo impignoramus eo modo, ut dum et quando regia maiestas aut persona regiam maiestatem repraesentans dictam possessionem ab eisdem redimere valuerint, ex tunc eandem interim ab eisdem auffere non valeant donec ipsi de dictis mille et quingentis florenis auri ipsis omnimodam satisfactionem impendent quoad plenum harum nostrarum vigore et testimonio literarum mediante. Datum in Zenthfalwa tertio die festi Pascae domini, anno eiusdem millesimo quadringentesimo quadragesimo septimo.