Urkunde Nr. 2567 aus Band V

Seite im UB:

188-189

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 12.

Druckvorlage:

nach Original

Abdruck als:

Volltext

Sprache:

Latein

---

2567

1447 Februar 28 Michael, Pfarrer von Grossau und Dekan des Hermannstädter Kapitels, bezeugt, dass Petrus Anthonii seinen Ansprüchen auf eine streitige Hofstelle gegenüber dem Peter- und Paulsklosters in Kronstadt zu Gunsten Peters, des Kaplans der Martinskapelle extra muros, entsagt hat.

Nos Michael baccalaureus in decretis, plebanus in Insula christiana, decanus Cybiniensis, universique ecclesiarum plebani decanatus eiusdem necnon in causa seu causis inter honorabilem dominum Petrum, rectorem capellae beati Martini confessoris extra muros civitatis Coronae existentis ab una partibus vero ab altera circumspectum virum Petrum Anthonii alias Greff Petir dictum de eadem in facto cuiusdam fundi curiae intra muros eiusdem civitatis ex opposito claustri beatorum Petri et Pauli apostolorum situati vertendis sau movendis per reverendissimum in Christo patrem et dominum dominum Dionysium arhiepiscopum Strigoniensem delegati iudices deputati, memoriae com-[S. 189] mendamus tenore praesentium significantes praesentibus pariter et futuris universis, quod annotatus Greff Petir ad nostri venerabilisque patris domini Petri, episcopi Zoweriniensis de Pulchro monte ac circumspecti viri Antonii Trawtmberger, civitatis Cybiniensis magistri civium, plurimorumque honestorum virorum praesentium instantiam causam et causas universasque et quaslibet literas donationales regiae maiestatis munitiones et instrumenta, quam et quas super facto dictae fundi curiae contra praefatum dominum Petrum et capellam praedictam habet et se habere affirmabat absque omni strepitu iudicii et ante litis ingressum pia consideratione ea tamen potissima, quia progenitores sui iam in Christo defuncti essent, nec aliquam habet prolem ipseque ad carnis debitum universae verget persolvendum bonaque et matura ac sano prius communicato consilio libere et spontanee resignavit, revocavit pariter et abrenuntiavit. Ipsam quoque causam et causa, literam seu literas, iura et iuribus quamcumque vel quascumque et quibuscumque in facto dictae¹⁾ fundi curiae contra privilegia dicti domini Petri ipsiusque capellae haberet seu possideret cassavit, annulavit et in nihilum redegit, nulliusque praesentibus et futuris temporibus eas pronuntiavit coram nobis fore roboris et momenti subiciens se humiliter et devote omnipotentis dei et beati Martini intuitu capellam praefatam iuraque et privilegia cum singulis suis immunitatibus quamdiu vixerit, totis viribus contra quoslibet patrocinaliter velle protegere et defensare. Super quibus omnibus et singulis memoratus dominus Petrus literas nostras testimoniales cum subscriptione approbati notarii publici a nobis instantissime supplicavit. Nos igitur suis precibus fore iustis inclinati praesentes literas nostras sigillo nostri decanatus ac supscriptione publici notarii roboratas eidem duximus concedendas. Data et acta haec sunt anno domini millesimo quadringentesimo quadragesimo septimo, indictione decima, die vero Martis, ultima mensis Februarii, hora tertiarum vel quasi pontificatus sanctissimi in Christo patris et domini nostri domini Eugenii divina providentia papae quarti²⁾ anno eius sexto decimo, praesentibus ibidem honorabilibus et discretis Johanne, plebano de Nova villa, Antonio Trawtmberger, magistro civium suprascripto, et magistro Blasio de Eyerpod, Vincencio et Casparo Aurifabro parvo iuratis civibus annotatae civitatis Coronensis similiter Strigoniensis iurisdictionis testibus ad praemissa vocatis pariter et rogatis.

Notarzeichen.
Et ego Urbanus Petir de Slynawya, clericus Vratislauiensis diocesis sacris papali ac imperiali auctoritatibus publicus notarius approbatus, quia praedictarum literarum seu privilegiorum regalium resignationem et fundi curiae praetactae libere pronuntiationem aliisque omnibus et singulis praemissis dum sic ut praemittitur fierent et agerentur, unacum praelibatis dominis et testibus praesens fui eaque sic fieri vidi et audivi . Ideoque hoc praesens publicum instrumentum mandato praelibati domini decani Cybiniensis manu mea propria scriptum exinde confeci, subscripsi et in hanc formam publicam redegi quam signo et nomine meis solitis et consuetis consignavi in fidem et testimonium omnium et singulorum praemissorum rogatus et requisitus.


1) So Vorlage.^{^}
2) Tatsächlich ist Papst Eugen IV. bereits am 23. Februar gestorben.^{^}