Urkunde Nr. 2558 aus Band V

Seite im UB:

180-181

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

2558

1446 November 13 Der Konvent von Kolozsmonostor bezeugt, dass Michael Salamonis von Nadesch seine Besitzungen Boiu / Bun, Spring, Draşov / Troschen und Sebeşel / Kleinmühlbach samt dessen Zubehören der Weissenburger Kirche vermacht.

Conventus monasterii beatae Mariae virginis de Clusmonastra omnibus Christi fidelibus t a m praesentibus quam futuris praesens scriptum inspecturis salutem in omnium salvatore. Cum omnium creator deus hominem prae omnibus creaturis potioribus et gratuitis donis ad cognoscendum se et colendum anima scilicet rationali dotavit et ut de perceptis bonis vicem rependat suo creatori, ad ipsumque totius bonitatis fontem sitibundus redeat, cum quo perfrui valeat in aeternum per coaeternum spiritum sanctum magnifice collustravit, quorum donorum perceptibiles et capaces omnes homines esse credimus, christiano nomine insignitos de quorum numero vir egregius et in suo creatore pene devotus Mychael filius Salamonis de Nadasd tot mentis desiderio et estuanti corde ad superna anhelans ipsius spiritus sancti illustratus spiramine cupiens ad suum regredi creatorem et esse semper cum Christo Jhesu domino nostro cuius fidei signaculo se cognoscit insignitum, donativumque dei temporale in aeternum commutare coram nobis personatus constitutus vivae vocis oraculo spontaneaque voluntate confessus est in hunc modum, quod ipse matura deliberatione in se praehabita ex devotione speciali quam ipse ad beatum Mychaelem archangelum cunctarum fidelium animarum susceptorem portitoremque et in Jerhusalem coelestem usque ante conspectum divinae maiestatis repraesentatorem gerit et habet ob salutemque et refrigerium suae suorumque progenitorum animarum in ecclesia kathedrali beati Mychaelis archangeli Albae Gywlae Transsiluanae fundata certas missas modo et ordine infra scriptis perpetuis futuris temporibus celebrari fecisset et instituisset pro quibus quidem missis continuis futuris temporibus rite celebrandis cum spiritualia sine temporalibus diu substitere non¹⁾ possint quasdam possessiones suas videlicet Bwn in de Kykellew, Springh, Drasso, Kyssebes cum pertinentiis suis puta Nagfalw, Kakuwa, Negfalw et [S. 181] Slawendorff vocatis omnino in Albensi comitatibus existentes et ceterisque suis pertinentiis quovis nominis vocabulo appellatis ubilibet et in quibuslibet possessionibus et comitatibus constitutis et habitis praefatum Mychaelem filium Salamonis titulo haereditario concernentem cum omnibus utilitatibus et pertinentiis earundem universis videlicet metis terris arabilibus cultis et incultis, pratis, arvis, fenetis, silvis, rubetis, spinetis, locis pascualibus, piscinis, molendinis, molendinorumque locis, aquis, aquarumque decursibus, promontoriis montibus, vinearum collibus, alpibus, vallibus, fructibus, proventibus, redditibus, obventionibus tam campestribus quam limphaticis et generaliter cunctis utilitatum et emolumentorum integritatibus iure ad easdem spectare dinoscentibus ac omni eo iure, quo ipse usque modo easdem tenuisset et possedisset, praedictae ecclesiae beati Michaelis archangeli Albensis Transsilvanae perpetuo et irrevocabiliter dedisset, donasset et contulisset possidendas, tenendas pariter et habendas, imo dedit, donavit et contulit coram nobis. Praedictas autem missas per praefatum capitulum perpetuis futuris temporibus dici et decantari hoc ordine instituisset, quod primo die dominico missa de sancta trinitate per praelibatum capitulum solemniter decantari procuretur, feria secunda missa pro defunctis similiter decantari debeat, feria tertia de beata virgine legendo missa voce celebretur, feria quarta missa pro peccatis simili modo legendo dicatur, feria quinta missa de angelis celebriter decantetur, feria sexta missa de passione domini legendo proferatur, sabbato vero post sese invicem et immediate subsequentibus iterum missa de beata virgine solemniter decantetur tali tamen conditione interiecta, quod annotatus Michael filius Salamonis vita sibi comite fructibus, proventibus et cunctis iuribus earundem possessionum in dominio earundem permanendo frueretur et uteretur ipso vero tandem de medio sublato huiusmodi possessiones egregia domina Elena vocata consors scilicet sua, nomine praefatae ecclesiae quamdiu in viduitate permanebit, tenendi proventus et fructus earundem universos ac percipendi habeat potestatem sic tamen et taliter, ut si ipsa domina iuxta suae voluntatis beneplacitum ad secunda vota se transferret vel ad secundas nuptias transiret vel etiam ipsa mortua ex tunc statim huiusmodi possessiones cum omnibus ipsarum proventibus et fructibus praedictis dicta ecclesia Albensis Transsilvanae in totale et corporale dominium earundem possessionum intrare et sibi ipsi easdem incorporare debeat et valeat eo facto ac perpetuo possidere. Hoc etiam interserto, quod si quos suos familiares in eisdem possessionibus commorantes, propter eorum fidelia servitia literis suis mediantibus antelatus Mychael filius Salamonis libertavit aut libertaverit tales iuxta suam dispositionem et contenta ipsarum literarum suarum semper in eisdem suis libertatibus permaneant, sic tamen ut iidem dominum seu possessorum dictarum possessionum audire, timere et sub obedientia eiusdem stare debeant et teneantur, assumpmens nihilominus praefatus Mychael filius Salamonis singulis annis iuxta suae voluntatis arbitrium praefatae ecclesiae eo, quod easdem in vita possideret fructibusque et proventibus earundem uteretur certa subsidia et largitionem elemosynarum facere, sic etiam praefata domina Elena, uxor sua, si et dum dictae possessiones ad eius manus modo quo supra devenirent, iuxta suum posse, singulis annis certa subsidia et elemosynas facere debeat et teneatur. In cuius rei memoriam firmitatemque perpetuam praesentes literas nostras privilegiales¹⁾ pendentis et autentici sigilii nostri munimine roboratas duximus concedendas. Datum die dominico videlicet in festo beati <Briccii episcopi et con>²⁾fessoris ann<o domini millesimo>²⁾ quadringentesimo quadragesimo sexto. [S. 182]


a) UB verschrieben 2552.^{^}

1) Über der Zeile von anderer Hand. [2x]^{^}
2) Lücke ergänzt nach Fancsali, Adversaria. [2x]^{^}