Urkunde Nr. 2546 aus Band V

Seite im UB:

172-173

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2546

Lunca Mureşului 1446 Juli 25 Der Gubernator Johannes von Hunyad befiehlt den Zwei Stühlen, dass sie sich vor dem Vizewoiwoden Nikolaus von Salzburg über die Leistung des Martinszinses für das Jahr 1438 auszuweisen haben, anderenfalls sie den Zins den Rittern Jost und Henning ausfolgen müssen.

[S. 173] Johannes de Hwnyad pro illustrissimo Ladislao infante, nato quondam Alberti regis, electo rege Hungariae gubernator prudentibus et circumspectis viris civibus et hospitibus duarum sedium Saxonicalium Selk¹⁾ et Megyes vocatarum salutem cum dilectione. Quod licet nos prout ex literis quondam domini Alberti regis Hungariae coram nobis exhibitis²⁾ vidimus contineri ut census vestros festi sancti Martini ex vestri parte pro fisco regio provenire debentes ipse quondam dominus Albertus rex egregiis Josth et Henneng militibus suis deputaverit tamen hunc prout ex intimatione eorundem Josth et Henneng militum intelleximus eiusmodi census vestros ipsis iuxta literatorium commissum praefati quondam Alberti regis minime persolvere curassetis sed uti nunc vos allegaretis, eiusmodi census vestros Jacobus Seller magister civium civitatis Cibiniensis a vobis levasset, in cuius contrarium nunc ipse Jacobus assereret, ut vos super huiusmodi solutione census literas expeditorias nunc haberetis, et quamquam saepius istud in conspectum nostrum devenerit, ac³⁾ de huiusmodi⁴⁾ solutione nos certo certius edoceri volentes, ecce egregium Nicolaum de Wizakna vicevaivodam Transsiluanensem ob hanc rem vestri in medium duximus dirigendum. Idcirco dilectionibus vestris firmiter committimus, quatenus iuxta informationem praefati Nicolai vaivodae in uno certo termino insimul convenientes et ratione facta, cui vel quibus praescriptos census vestros assignastis, literas expeditorias producatis et exhibeatis, quas⁵⁾ si exhibere non poteritis, tunc committimus⁶⁾ vobis ut praenotatos census vestros sine omni dilatione hominibus ipsorum Josth et Henneng militum praesentium scilicet ostensoribus extradare debeatis et persolvi facere curetis plenarie omnibus modis. Et aliud pro nostra gratia facere non ausuri, praesentibus perlectis exhibenti restitutis. Datum in Koczard in festo sancti Jacobi apostoli, anno domini millesimo quadringentesimo quadragesimo sexto.

Von der Kanzlei: Commissio propria domini gubernatoris. Lecta.


1) Vorlage Sek.^{^}
2) S auf Korrektur.^{^}
3) Über der Zeile nachgetragen.^{^}
4) Ursprünglich huiusmodique.^{^}
5) Vorlage qui. ^{^}
6) Vorlage contmittimus.^{^}