Urkunde Nr. 2543 aus Band V

Seite im UB:

170-171 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2543

Pest 1446 Juni 23 Der Gubernator Johannes von Hunyad ersucht den Rat von Hermannstadt, einige Hermannstädter Bürger zu verhalten, den Brüdern Jost [S. 171] und Henning einen noch ausstehenden Schuldenrest von 1000 Goldgulden zurückzuzahlen.

Johannes de Hwnyad regni Hungariae generalis gubernator nec non vaivoda Transsiluanus magistro¹⁾ civium²⁾ et²⁾ circumspectis ac providis viris iudici iuratisque civibus civitatis Cibiniensis salutem cum dilectione. Exponit nobis egregius Iwsth de Kwz, in sua ac Henningh de Zomzedwara fratris sui personis, communi cum querela, quomodo quidam Jacobus Weres et Osualdus necnon Henricus Greb, cives civitatis Cibiniensis praedictae, pro certis debitis ipsorum duo milia florenorum auri ipsis exponentibus obligati fuissent, quorum medietatem videlicet mille florenos auri iam praefatis exponentibus persolvissent immo ad plenum, aliam vero medietatem scilicet similiter mille florenos auri minime persolvere ad saepissimas eorum petitiones voluissent sed neque vellent etiam de praesenti. Super quo dilectioni vestrae harum serie firmiter committimus et mandamus, quatenus scita prius praemissorum mera veritate si sic uti nobis relata sunt fore et stare comparueritis extunc mox et in continenti ipsis exponentibus super praemissis mille florenis auri eisdem ut praefertur obligatis ex parte praefatorum Jacobi, Osualdi et Henrici vestrorum concivium omnimodam et plenariam impendere debeatis satisfactionem nostra in persona et auctoritate praesentibus vobis in hac parte attributa et iustitia mediante. Et secus facere non ausuri, praesentibus perlectis exhibenti restitutis. Datum in opido Pestiensi in vigilia nativitatis beati Johannis baptistae, anno domini millesimo quadringentesimo XL^o sexto.


a) Seitenumbruch im Kopfregest.^{^}

1) Am Schluss der ersten Zeile nachgetragen.^{^}
2) Auf dem Rand der mit circumspectis beginnenden zweiten Zeile nachgetragen. [2x]^{^}