Urkunde Nr. 2527 aus Band V

Seite im UB:

162-163

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 43.

Druckvorlage:

nach Original

Abdruck als:

Volltext

Sprache:

Latein

---

2527

Hermannstadt 1446 Januar 23 Der öffentliche Notar Urbanus Petri von Steinau bestätigt auf Wunsch des Kronstädter Pfarrers Johannes die Urkunde des Graner Erzbischofs Dionysius von 1445 Nr. »2518, die Ausführung päpstlicher Aufträge auf Kapitelsgebiet betreffend.

In nomine domini amen. Anno nativitatis eiusdem millesimo quadringentesimo quadragesimo sexto, indictione nona, die solis vicesima tertia mensis Januarii, hora vesperarum vel quasi, pontificatus sanctissimi in Christo patris et domini nostri domini Eugenii divina providentia papae quarti anno eius quarto decimo, in stubella dotis parochialis ecclesiae beatissimae virginis Mariae oppidi Cibiniensis Strigoniensis iurisdictionis in praesentia testium infrascriptorum ad hoc vocatorum et rogatorum personaliter constitutus honorabilis vir, dominus Caspar Robolt de Corona, eiusdem Strigoniensis iurisdictionis procurator et procuratorio nomine reverendi magistri, domini Johannis plebani de iamdicto oppido Corona, habens et tenens in suis manibus quasdam literas patentes, quae mihi infrascripto notario publico pro se et dicto magistro Johanne plebano de verbo ad verbum transsumendas tradidit et praesentavit. Quibus per me notarium publicum, ad suarum precum instantiam, ea, qua decuit reverentia, susceptis, eas sanas, integras non vitiatas, non rasas neque in aliquibus suis partibus suspectas et omni prorsus vitio carentes fore comperi, sigillo in rubea cera in modum crucis more pontificum subimpresso, quarum [S. 163] tenor sequitur, et est talis. (Folgt die Urkunde des Erzbischofs Dionysius von 1445 Nr. »2518). Cuius legitimis precibus ego notarius infrascriptus inclinatus modo scriptas literas archiepiscopales per fidem meam de verbo ad verbum sine diminutione et augmento transsumsi et collationavi ad cautelam, ut ubivis locorum praesens instrumentum deferre debeat, tamquam originalibus literis, quibus plena fides adhibeatur. Data et acta sunt haec anno, indictione, die, mense, hora, loco, pontificatu quibus supra. Praesentibus ibidem egregiis et honorabilibus viris dominis Christanno pridem de Hummersdorf, nunc vero de magno Demetrio et Anthonio canonico ecclesiae Transsiluanae, decretorum doctoribus Cibiniensis ecclesiarum parochialium rectoribus et plebanis, Stanislao praedicatorum, Michaele Petri Dor de Cibinio, Blasio Haan de Helta, Cibiniensis capellanis, ac scientifico viro Johannes Arnoldi de Grudencz artium baccalaurio, pro tunc rectore scolae in dicta Cibinio, Strigoniensis iurisdictionis ac Transsiluanae et Colinensis diocesis, testibus ad praemissa vocatis pariter et rogatis.

Notarzeichen.
Et ego Vrbanus Petri de Stynauia clericus Wratislauiensis diocesis, publicus sacris papali ac imperiali authoritatibus notarius approbatus, quia praescriptarum archiepiscopalium literarum transsumpta petitioni, donationi aliisque omnibus et singulis praemissis, dum sic ut praemittitur fierent et agerentur, una cum praenotatis testibus praesens fui, eaque omnia et singula sic fieri vidi et audivi, id eoque hoc praesens publicum instrumentum per alium fidelem, me certis occupato negotiis, scribere procuravi hic me subscripsi exinde publicavi et in hanc formam publicam redegi et confeci signoque el nomine meis solitis et consuetis consignavi, in fidem et testimonium omnium praemissorum.