Urkunde Nr. 2507 aus Band V

Seite im UB:

146-148 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), T Nr. 36.

Druckvorlage:

nach Original

Abdruck als:

Volltext

Sprache:

Latein

---

2507

Orschowa 1444 September 21 König Wladislaw I. verleiht der Stadt Klausenburg von neuem alle Freiheiten, deren sie wegen ihrer Erhebung verlustig gegangen war, und erhebt sie wieder zur königlichen Freistadt. [S. 147]

Von der Kanzlei: Commissia propria domini regis.

Nos Wladislaus dei gratia Hungariae, Poloniae, Dalmaciae, Croaciae et cetera rex Lithwaniaeque princeps supremus et heres Russiae ad futuram rei memoriam provectus nutu divino status regius ea subiectos providentia eaque maturitatis debita diligentia confoveri solet, ut subiectum sibi populum liberalitate mulceat munificentia attrahat et uniuscuiusque emeritos labores iuxta qualitatem meritorum recompenset assitque promptior eidem miserendi subditis quam ulciscendi voluntas. Itaque venientibus nostrae serenitatis in conspectum fidelibus nostris providis et circumspectis viris Stephano filio Bartholomei iudice ac altero Stephano literato et Jacobo Slaynyg iuratis civibus civitatis nostrae Koluswar vocatae nostrae maiestati per eosdem in eorum et aliorum concivium et cohospitum suorum dictae civitatis nostrae Koluswar personis expositum extitit in hunc modum, quomodo civitas nostra regalis Koluswar praetacta partium nostrarum Transsiluanarum alias contra regiam celsitudinem in certis suis artibus ex delatione quorundam regnicolarum notata omnibus suis privilegiis, libertatibus et gratiis quibus utebatur et gaudebat privata fuisset impositaque esset super eadem tributi nonarum et aliarum solutionum exactio et certa molendina in facie territorii eiusdem civitatis nostrae decurrentia ab eadem ablata existerent ac eadem omnibus gratiis et immunitatibus spoliata more aliarum villarum regalium de cetero conservari instituta foret prout et aliquamdiu conservata extitisset conservaretur, quae et in praesens supplicantes celsitudini nostrae antefati iudex et iurati cives dictae civitatis nostrae Koluswar in eorum et dictorum aliorum concivium et cohospitum suorum personis prece subiectiva humiliter et devote, ut ipsis et dictis aliis concivibus eorum et dictae civitatis nostrae Koluswar inhabitatoribus superinde gratiam impendere et remedium dignaremur adhibere opportunum. Et quia nobis dispensatione divina regimini huius regni nostri Hungariae submittentibus humeros ipsa civitas nostra Koluswar debita recognitione emendata inter alias civitates nostras dictarum partium Transsiluanarum prima obedientiae nostrae se subdere parata fuit et in ipso nostri regiminis primordio quo plurimorum malivolorum hominum conatibus ne in idem radicaremus, plura impedimenta obiecta habuimus cum omni fidelitate fidei firma constantia et debita sollicitudine se gratam maiestati nostrae reddere studuit et acceptam. Idcirco tum in horum recompensam meritorum tumque ex innata nostra regia liberalitate, qua misereri magis consuevit quam ulcisci omnia delicta dictae nostrae civitatis, in quibus contra celsitudinem regiam quoquomodo notata et libertatibus eius atque gratiis privata extiterit remittentes eidem et ad plenum indulgentes praetactasque tributi nonarum et aliarum quarumlibet solutionum exactiones quibus causa expremissa gravabatur et gravatur, perpetue relaxantes molendina ipsa nec non omnes et singulas libertates, privilegia et immunitates, quibus primitus ante scilicet notam praetactam quomodolibet de iure vel de consuetudine utebatur et fruebatur, eidem civitati nostrae duximus reddendas et restituendas ac eandem de novo et ex novo in liberam civitatem praeficiendam, instituendam et creandam annuentes et concedentes gratiose, ut a modo deinceps et in antea futuris semper temporibus universis eadem civitas nostra Koluswar et eius inhabitatores pro tempore constituti omnibus illis libertatibus privilegiis, gratiis et exemptionibus, quibus aliae civitates nostrae liberae regales dictarum partium nostra-[S. 148] rum Transsiluanarum potiuntur quibusque et ipsa primitus utebatur utantur, fruantur et poliantur gaudereque valeant atque possint immo reddimus, remittimus instituimusque et concedimus harum literarum nostrarum, quibus sigillum nostrum, quo ut rex Hungariae utimur, appensum est, vigore et testimonio mediante. Datum in Orswa in festo sancti Mathei apostoli et evangelistae, anno domini millesimo quadringentesimo quadragesimo quarto.


a) Erster Seitenumbruch nach Kopfregest.^{^}