Urkunde Nr. 2505 aus Band V

Seite im UB:

145-146

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 17.

Druckvorlage:

nach Original

Abdruck als:

Volltext

Sprache:

Latein

---

2505

Târgovişte 1444 August 7 ^a) Vlad Dracul Woiwode der Walachei, bestätigt den Kronstädtern das durch Johannes von Hunyad anerkannte Handelsprivileg seines Vaters Mircea.

Wlad partium Transalpinarum vaivoda universis et singulis civibus ceterisque senioribus incolis Brassouiae, Burchia sed et in toto regno Transsiluano cuiusvis status conditionis existentibus et commorantibus quibus praesentes nostrae literae ostenduntur amicitiam paratam cum dilectione. Noveritis quod quamquamvis spectabilis vir dominus Merche piae memoriae vaivoda dictarum partium Transsalpinarum noster genitor carissimus communi contractu et una voluntate dictarum civium seniorum de Brassouia et Burchia certas dispositiones et solutiones omnium rerum quocumque vocabulo nominandarum intra has partes importandarum et abhinc extra educendarum per tributa fecissent ritu statu permanere in aeternum prout in literis ipsius genitoris nostri patentibus expresse vidimus continere licet per quosdam tributarios et castellanos castri [S. 146] de Therch usque modo huiusmodi certa dispositio nostri genitoris et civium praedictorum dissoluta fuisset et minime servare voluissent. Ultimo in modo vir magnificus dominus Johannes de Hunyad vaivoda Transsilvanus dictam literam patris nostri super huiusmodi dispositione factam pro tranquilla pace et statu perpetuo inter duo regna observanda confirmasset, pro eo et. nos una cum nostris baronibus et proceribus harum nostrarum partium Trausalpinarum existentibus et constituendis omnia quaeque scripta sunt in literis dictorum dominorum Merche beatae recordationis genitoris nostri et Johannis de Hunyad Transalpinarum et Transsilvanarum vaivodarum firmiter tenere et observare volentes in nullo contradicendo immo magis dietenus pro perpetua pace operibus adimplendo ea quae dictata sunt in literis patris nostri confirmare volentes harum literarum nostrarum testimonio mediante. In huius rei certitudinis veritatem has patentes nostras literas sigillique nostri munimine roboratas eisdem civibus et senioribus de Brassouia et aliis suprascriptis ad cautelam dedimus et fecimus consignari. Datum in Tergouiscia feria sexta proxima ante festum beati Laurentii martyris, anno domini millesimo et cetera XLIIII^mo1).


a) Ausstellungsort im UB als: Tîrgovişte.^{^}

1) So Vorlage.^{^}