Urkunde Nr. 2498 aus Band V

Seite im UB:

140-141

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 7.

Druckvorlage:

nach Original

Abdruck als:

Volltext

Sprache:

Latein

---

2498

Kronstadt 1444 Juli 2. Der Woiwode Johannes von Hunyad nimmt die Geistlichen des Burzenlandes in Schutz und verbietet dem zum Türkenkrieg ausziehenden Heer in ihren Höfen Einlagerungen vorzunehmen und sie sonstwie zu schädigen.

Universis et singulis dominis baronibus, proceribus, nobilibus, stipendiariis¹⁾ cuiuscumque etiam alterius status et conditionis hominibus in exercitum contra perfidiam saevissimorum Turcorum instaurandis totiens quotiens progredientibus dominis fratribus et amicis nostris honorandis Johannes de Hwnyad vaivoda Transsiluanus, Siculorumque et Themesiensis ac de Zolnok comitatuum comes salutem cum honoris incrementa. Domini amici et fratres nostri honorandi, quia universi clerici et plebani parrochialis terrae Burciensis et ad cultui divino ferventius pro fidei catholicae firmitate et sanctae matris ecclesiae statu assistant et exercituum suarum orationum valeant pacifice et²⁾ quiete²⁾ continuare per reverendissimum dominum Dionisium sacrae Romanae ecclesiae cardinalem et archiepiscopum Strigoniensem petitione eiusdem nobis porrecta recommissi sunt et existunt nostri defensioni. Quas tamen intuitu dei omnipotentis [S. 141] ut tenemur propter praemissorum adeptionem cum ob amorem dicti reverendissimi patris in nostram receperimus protectionem et defensionem singularem toto nisu et conatu eos cupientes semper singulariter occursu defensionis protegere tueri et manutenere contra omnes molestatores et signanter a descensu exercituali. Ideo vestras praesentibus requirimus dominationes, amicitias et fraternitates precibus studiosis, quatenus in vestro progressu exercituali, dum ad ipsas partes terrae Burciensis perveneritis ad domus praetactorum clericorum seu plebanorum in nullo loco descensum exercitualem nec eisdem nocumentum seu damnum et praecipue in decimis tam in campis quam dotibus seu alias habitis [ ]²⁾ facere velitis neque per vestras³⁾ facere permittatis familiares, nostri ob respectum. Nostris vero subditis id inviolabiliter mandamus observare. Praesentesque post lecturam reddi petimus exhibendum. Datum Brasschouiae in festo visitationis beatae Mariae virginis, anno domini millesimo quadringentesimo quadragesimo quarto.

Von der Kanzlei: Commissio dignitatis vaivodalis specialis.


1) Vorlage stipendiaris.^{^}
2) Unleserlich. [3x]^{^}
3) Über der Zeile, darunter durchgestrichen suas.^{^}