Urkunde Nr. 2473 aus Band V

Seite im UB:

125-126

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Heutige Signatur:

Kapitelarchiv, Urkunden Nr. 706.

Druckvorlage:

nach Abschrift

Abdruck als:

Volltext

Sprache:

Latein

---

2473

Weissenburg 1444 Januar 18 Antonius, Pfarrer von Hermannstadt und Generalvikar der siebenbürgischen Kirche, fordert den Pfarrer Bartholomäus von Nuşeni / Grossendorf auf, sich wegen seiner Widersetzlichkeit zu verantworten und die gefällte Entscheidung in seinem Streit mit dem Pfarrer Andreas von [Regen /] Reen anzuerkennen bzw. seine Rechte auf die Reener Pfarrei nachzuweisen.

Anthonius decretorum doctor, plebanus Cibiniensis canonicusque ecclesiae Transsiluanae et sede vacante per venerabile capitulum dictae Transsiluanae ecclesiae vicarius in spiritualibus generalis constitutus. Quia discretus vir¹⁾ dominus Bartholomeus plebanus de Nagyfalw, capellanus magnifici domini Stephani filii bani de Losoncz, in octavis festi Epiphaniarum domini proxime praeteritis²⁾ omnia sua iura et probationes quibus mediantibus plebaniam seu rectoratum parochialis ecclesiae de dicta Regen possidet, occupat et detinet iuxta nostra commissionem producere debebat, idem etiam pridem dum iuxta nostrum mandatum literatorium certis executionibus factum dominis videlicet Martino de Pytula, decano sedis Regen, Emerico de Idecz inferiori et Nicolao de Dedrad ecclesiarum plebanis commisissemus in mandatis, ut ipsi huiusmodi nostris mandatis res et bona praedictae ecclesiae de Regen reviderent revisasque ipsis ministris tantum de eisdem segregare deberent, ut inde minister ecclesiae sufficienter sustentare deberent servitores etiam dictae ecclesiae quibus ipsa ecclesia necessaria foret constitutas aut in futurum constituendas aliquis sub poena excommunicationis repellere usque ad decisionem causae inter dictum dominum Bartholomeum et honorabilem dominum Andream de Regen et cetera vertentae deberet. Dum ipsi executores in executione huiusmodi nostri mandati fuissent constituti praedictum Bartholomeum presbyterum si praemissa poena per nos in dicto nostro mandato contenta verbo nostro seriose ammonuissent praedicta effectui mancipare ad ipsos executores, prout ipsi conscientose nobis suis in literis rescripserunt, dixisset, quod nostro mandato in nullo vellet obedire praeterquam in cultura vinearum. Pro cuius renitentia in sententiam excommunicationis incidit. Et quia nos talium actus nepharios nolumus immo nec³⁾ patimur aure surda pertransire, ne talium perversitas aliis sint praecipitia vitiorum, dictum dominum Bartholomeum officio nostro requirente ad vice- [S. 126] simum primum diem notificationis praesentium quorum dierum septem pro primo, septem pro secundo, reliquos vero et ultimos septem pro tertio et peremptorio termino canonica monitione praemissa assignamus, ut ipse in dicto termino coram nobis compareat, si dies ipsa fuerit iuridica, si vero feriata⁴⁾ extunc sequenti die de dicta sua renitentia praetextu cuius iam est de facto excommunicationis quem et nos denuntiamus fore excommunicatum in his scriptis se expurget iuraque et probationes quibus ipsam plebaniam⁵⁾ possedit et possidet de praesenti coram nobis adducat atque conclusionem in causa ipsius et dicti domini Andreae faciente vel alias sententiam diffinitivam tunc ferendam per nos audiat citamus per praesentes. Qui se comparuerit praemissaque fecerit bene quidem, alioquin non obstante ipsius contumacia quantum poterimus et de iure admittimus contra eundem procedemus iuris semper ordinem observantes. Praesentes vero ne ignorantiam earundem quoquomodo allegare praetendat, in valvis huius sacratissimae basilicae iussimus publice affigi. Datum Albae decima octava die mensis Januarii, anno domini millesimo quadringentesimo quadragesimo quarto.

Auf der Rückseite gleichzeitig: Copia literarum ad valvam aplicatarum contra Bartholomeum presbyterum.


1) Über der Zeile nachgetragen.^{^}
2) Vorlage praeteritas, -i.^{^}
3) Hierauf durchgestrichen petimus. ^{^}
4) Vorlage seriata.^{^}
5) Hierauf durchgestrichen possidet.^{^}