Urkunde Nr. 2464 aus Band V

Seite im UB:

118-119

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 13 717.

Druckvorlage:

nach Abschrift

Abdruck als:

Volltext

Sprache:

Latein

---

2464

Kronstadt 1443 September 17 Antonius, Pfarrer von Honigberg und Dekan des Burzenländer Kapitels, schaltet die Urkunde des Graner Erzbischofs Dionysius von 1443 Nr. »2452 ein und beauftragt die Pfarrer von Agnetheln und Werd, die Edelfrau Anna und Nikolaus Appa vor sein Gericht nach Kronstadt zu laden.

Anthonius plebanus de monte Mellis decanusque sedis Brassouiensis ad infrascripta a sede Strigoniensi iudex commissarius, et delegatus constitutus et ordinatus, discretis viris N. de valle Agnetis et N. de Werd ecclesiarum plebanis sedis Cibiniensis, iurisdictionis Strigoniensis, ac aliis quibuscumque presbiteris curatis et non curatis necnon notariis publicis per dictam iurisdictionem sive diocesim Strigoniensem ubilibet constitutis nobis in Christo dilectis, sincerae caritatis affectum. Viri discreti literas reverendissimi in Christo patris et domini domini Dyonisii miseratione divina tituli sancti Ciriaci in Termis sacrosanctae Romanae ecclesiae presbiteri cardinalis archiepiscopi almae ecclesiae Strigoniensis loci eiusdem comitis perpetui primatis et apostolicae sedis legati nati annularis sui sigillo in cera rubea sigillatas non cancellatas, immo omni prorsus suspitionis vitio destitutas pro partibus Annae condam Valteri civis civitatis Cibiniensis et nobilis Nicolai Appafy dicti ab una, iuratorum, consulum dictae civitatis ab altera coram notario publico per quosdam procuratores Cibinienses nobis praesentatas et exhibitas, omnibus honore et reverentia quibus decuit et licuit nobis recepisse in haec verba: (Folgt die Urkunde des Graner Erzbischofs Dionysius von 1443 Nr. »2452). Post quarum quidem literarum praesentationem et exhibitionem, mandatis et commissioni eiusdem reverendissimi patris nostri domini nostri Dyonisii archiepiscopi obedire cupientes ut debemus et de iure tenemur, vestris discretionibus in virtute sanctae obedientiae et sub excommunicationis poena, quam in vos et vestrum quemlibet, si praesens nostrum man [S. 119] datum in monendis archiepiscopale contemseritis seu neglexeritis trium tamen dierum monitione canonica praemissa, praevia ratione ferimus, in his scriptis firmiter et stricte iniungendo committimus. quatenus mox et protinus, habitis praesentium notitiis, accedatis, quo propterea fuerit accedendum ad praefatos Annam et Nicolaum nobilem Appafy dictum ad instantiam praenominatorum consulum praefatae civitatis Cibiniensis ad Coronam nostram peremptorie citetis in praesentiam ad quindecim diem a vestrae citationis die computandum personaliter vel per eorum legittimum procuratorem coram nobis comparendos ad obiecta efficaciter respondendos, quorum die quinque pro primo quinque pro secundo et alios quinque pro tertio et peremtorio terminis, eisdem praefigimus et assignamus, insinuando, quod si ipsi in praetacto citationis termino per nos ipsis praefixo per se vel eorum procuratorem legittimum comparuerint, bene quidem, alioquin eorum contumacia et absentia non obstantibus, ad partis comparentis instantiam dictante iuris aequitate, ad finalem decisionem¹⁾ causae procedere non postponatis causa in praemissa, de quibus tandem minime valebitis nobis imputari modo aliquali et insuper attendendo quod causa huiusmodi, coram vobis indecisa tendente alibi per quempiam alium in eadem nihil sit innovandum seu attemptandum . Idcirco auctoritate metropolitica praedicta, vobis omnibus et singulis praemissis, quibus praesentes nostrae literae diriguntur, committimus et mandamus, quatenus post legittimam dictae citationis executionem, venerabili et religioso patri domino Anthonio abbati de Colosmonastra ordinis sancti Benedicti dictae Strigoniensis iurisdictionis, a quibuscumque aliis, quibus forte praefata causa auctoritate praefati reverendissimi domini archiepiscopi audienda foret commissa, ac executoribus seu subexecutoribus literarum quarumcumque in contrarium harum quovismodo faciendo, ubivis constitutis et praesertim annotatus Appafy Myklos et Anna et cetera ex adverso praesentibus omnibusque aliis et singulis quorum interest, intererit aut interesse poterit quomodolibet in futurum, de quibus pro parte dictorum magistri civium ac iuratorum civitatis Cibiniensis principalibus seu procuratorum eorum, super hoc fueritis requisiti, seu alter vestrum fuerit requisitus, inhibeatis quibus etiam nos tenore praesentis inhibemus, ne ipsi vel eorum alter in causa huiusmodi in vilipendium litis pendentis et iurisdictionis nostrae immoverius metropoliticae contemptum et dictorum dominorum principalium praeiudicium quemquam per se vel alium seu alios publice vel occulte directe vel indirecte quovis quaesito colore attemtare vel innovare praesumant seu praesumat, quod si secus factum fuerit, id totum revocarc et ad statum pristinum reducere curabimus iustitia mediante seriemque vestrae citationis cum omnibus citatoris nobis seriose resribatis, poena sub praemissa, praesentes nobis in specie remittentes. Datum Brassouiae decima septima die mensis Septembris, anno domini MCCCC^mo XLIII^o, sub nostri officii sigillo.

Von derselben Hand unten rechts: Inhibitione facta paruit mandatis.

Mitte: Testes dominus Stephanus, dominus Matheus capellani de Coloswar, Henricus Regis notarius in praemissis. Copia inhibitionis reverendissimi patris domini archiepiscopi anno etcetera XLIII^o, indictione sexta, vicesima septima die mensis Octobris fuit praesentata.

Links: Copia citationis et inhibitionis decani Brassouiensis²⁾.


1) Vorlage decisiononem. ^{^}
2) Von gleicher Hand wie der Text.^{^}