Urkunde Nr. 2459 aus Band V

Seite im UB:

115-116

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 6.

Druckvorlage:

nach Original

Abdruck als:

Volltext

Sprache:

Latein

---

2459

Kronstadt 1443 Mai 31 Petrus, Kaplan der Martinskapelle extra muros in Kronstadt, bezeugt, dass er das wüststehende obere Steinhaus auf der von König Sigmund der Kapelle geschenkten Hofstelle nach Beratung mit den Provisoren und Prokuratoren dieser Kapelle dem öffentlichen Notar Nikolaus Thoscha verkaufen will.

Quoniam homine deficiente cessat eius memoria et testimonium, ne igitur rationabiles contractus hominum hominibus decrescentibus a memoria discedat et lapsu temporis labantur utile videtur, ut firmis literarum et sigillorum ad eum minime roborentur, hinc est quod ego Petrus, capellanarius capellae sancti Martini extra muros civitatis Braschouiensis sitae, commendando memoriae significo tenore praesentium praesentibus et futuris quibus expedit universis. Quod dum a gloriosissimo principe et domino, domino Sigismundo recolendae memoriae Romanorum¹⁾ imperatore et semper augusto ac Hungariae, Bohemiae, Dalmaciae, Croaciae, et cetera rege nec non a suo successore inclito principe et domino, domino Alberto Romanorum rege et semper augusto ac Hungariae, Bohemiae, Dalmaciae, Croaciae et cetera rege, Austriaeque et Stiriae duce serenissimo curiam pro t <unc >²⁾ desertam et aedificiis destitutam ex opposito monasterii beatorum apostolorum Petri et Pauli in dicta civitate existentem ob salutem et refrigerium animarum divorum regum Hungariae ac singularem devotionem, quam ipsi ad beatissimum confessorem Martinum episcopum gesserunt dictae capellae sancti Martini consequenterque rectori et capellanario eiusdem pro tempore constituto aeternaliter habendum et irrevocabiliter possidendum³⁾ impetrassem egestatisque penuria tunc dictam capellam ac me eius rectore artantem, quod dictam curiam edificiis decorare facere commode, ut necessum fuit, non valuisset provido viro Nicolao Thoscha, notario publico, qui plura subsidia pro eiusdem curiae adeptione tunc praefatae capellae ac mihi coram praescriptis⁴⁾ principibus impendit etiam saepius contra impugnator res⁵⁾ capellae et adversus impetitores⁶⁾ me defendit superiorem domum lapideam pro tunc desertam in eadem curia existentem et tecto, panimentis, ianuis et ceteris domum concreventibus⁷⁾ destitutam. Sed tantummodo muros ruptos habentem cum cellario camera parva testudinata ac certa⁸⁾ parte terrae a latere eiusdem domus ab ante retro pretendente sitae describente tamen spatium, quod currus libere potest in eandem curiam intrare. Idcirco eandem domum longitudinem terrae septuaginta septem pedum cum quadam alia terra tantum spatium occupante quantum una alia domus cum curia anexa ibidem continere videtur cuiusquidem domus anterior pars occidentem posterior vero orientem respicit pro certa summa pecuniarum pro adeptione curiae per me expositarum matura tamen deliberatione cum provisoribus et procuratoribus eiusdem capelae [S. 116] praehabita vendere decrevi perpetue per eum ac suos heredes successores et posterios⁷⁾ habendum, tenendum, vendendum, commutandum et irrevocabiliter possidendum ac in suos usus meliores quoscumque voluerit convertendum. Etiam de illis libertatibus uti gaudere et per omnia plenum ius habeat, sicut in tenore literarum imperialium, regalium et aliorum debito cum effectu⁹⁾ plenius continere videtur pericula et contraversigi super eandem domum vel civitatem evenirent, quae deus avertere⁷⁾ dignetur quia nullus eandem domum inhabitaret. In cuius rei memoriam ac perpetuam firmitatem praesentes ad meas instantes preces duxi sigillo venerabilis decanus sedis Braschouiensis ac meo proprio pendentibus. Datum anno domini millesimo quadringentesimo quadragesimo tertio in Brascho, die vero sanctae Petronellae virginis.


1) Hierauf rege getilgt.^{^}
2) Lücke 0,4 cm.^{^}
3) Gebessert aus possidendo. ^{^}
4) Vorlage praecriptis. ^{^}
5) Vorlage impungnatores.^{^}
6) Vorlage impititores. ^{^}
7) Gebessert. [3x]^{^}
8) Vorlage creta. ^{^}
9) Gebessert aus effecto. ^{^}