Urkunde Nr. 2447 aus Band V

Seite im UB:

106-107

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 97.

Druckvorlage:

nach Original

Abdruck als:

Volltext

Sprache:

Latein

---

2447

Segedin 1443 März 2 Die siebenbürgischen Woiwoden Nikolaus von Ujlak und Johannes von Hunyad erneuern den Kaufleuten des Kronstädter Distrikts das Privileg für den Handel nach der Walachei.

Nos Nicolaus de Wylak, Machouiensis¹⁾ et Johannes de Hwnyad, Zeweriniensis bani, vaivodae Transsiluani Siculorumque et Themesiensis comites recognoscimus universis quibus incumbit, significantes, quia per sincerae circumspectionis viros et bonae eloquentiae villicum, iudicem iuratosque cives et cunctos seniores ac consules Brassouienses et terrae Bwrcza eorum libertates praerogativas ex certa scientia divorum praedecessorum regum felicis reminiscentiae [S. 107] liberaliter concessas et largiflue devotas et collatas sic videlicet quod eorum scilicet praemissorum civium quicumque cum mercibus et negotiis pro acquirendis victuum et amictuum generibus totiens quotiens versus Transalpinas tam in eundo quam in regrediendo iustum tributum iustasque tributarias²⁾ exactiones³⁾ more antiquo ac laudabili consuetudine, scilicet de quolibet. stamine panni Ippriensi vel Galicali non plus praeterquam denarios viginti quatuor, de Levi decem et octo, de Colonicali denarios duodecim, de Polonicali sex, de panno scisso de caligisque et mitris nihil et de eisdem pannis in nullo alio loco Wolahiae tributum sint solvere obligati nisi in foro, ubi praedictos pannos vendicioni exposuerint, item in Dombowicza medium tributum de praetactis pannis dare tenerentur ac singulis vasis medonis singulos denarios duodecim, in Ruffa Arbore ibidem de vase vini denarios sex, item de ferro, panno griseo, tela, lino, gladiis, bicellis, cultellis ac singulis mechanicali opere et artificiali manu factis et fiendis, de arcubus, funibus, pellicis, mastrucis et omnibus aliis rebus cuiusvisque generis existant, quae ad Volahiam apportantur, in nullo loco Volahiae tributum solvere sint coacti. Sed si cum mercimoniis suis transierint ultra Danubium, extunc in vado Danubii de centum persolvant³⁾ tria et si sic persolverint, extunc redeundo cum rebus suis mercimonialibus nihil dare tenentur. Insuper ipsi de Volachia exeuntes de curru piscium⁴⁾ vel aliis quibusvis onerato in Brail decem et octo denarios, de curro piscium in Nouoforo unum piscem, in Tergauist unum piscem, in Dombowicza de quolibet equo currui allegato⁵⁾ unum denarium, de curru piscium unum piscem, de equo zomentato quidquid portet duos denarios, de equo non onerato unum denarium, de equestre unum denarium, de pedestre unum banum. Ibi in Ruffa Arbore de curru piscium septem pisces⁴⁾ et triginta⁶⁾ sex denarios, de centenario cerae duodecim denarios, de bove vel vacca tres denarios, de castrato unum denarium, de porco duos, de cute cervi unum denarium. sed de omnibus aliis cutibus nihil, de vormasio vulgo themleturo unum denarium, de equo zomentato quidquit portet tres denarios, de equo non onerato duos denarios, de equestre duos, de pedestre unum, de pellibus ferinis cuiuscumque specie vulgariter vilthuerck, quae de Volaschia exportantur, de centum tres, de equo in Volachia emititur denarios sex et de universis aliis nullum omnino tributum teneantur. Sed ipsi venientes de marinis partibus seu Transdanubium de centum persolvant tamen tria, fuerant nobis exhibitae pariter et ostensae, petentes nos humili precum instantia temporibus nostris in eisdem libertatibus gratuitis eosdem uti, frui, gratulari et gaudere permittere et permitti facere. Quorum quidem petitionibus nos allecti, vobis castellanis nostris castrorum Thercz et Keralkew per nos constitutis et futurum constituendis praesentium serie firmissime iniungendo praecipimus omnino habere volentes, quatenus a modo in posterum et deinceps contra praedictas libertates regales et nostras praesentibus in hac parte attributas annotatos cives Brasouienses et terrae Burcza⁷⁾ vel eorum alterum negotiatorum cum eorum mercibus hinc inde proficiscentium in exactione et solutione tributariis in personis rebus ac bonis quibusvis infestare, inquietare, damnificare et perturbare nusquam et nequaquam praesumatis nec sitis ausi modo aliquali, si nostram indignationein incurrere formidatis. Praesentibus perlectis exhibenti restitutis. Et aliud in praemissis non facturi. Datum Zegedini sabbato proximo post festum beati Mathiae apostoli, anno domini millesimo quadringentesimo quadragesimo tertio.

Von der Kanzlei: Ad propriam commissionem vaivodalis dignitatis. [S. 108]


1) Gebessert aus Wachoviensis.^{^}
2) Über der Zeile.^{^}
3) Solvant auf Rasur. [2x]^{^}
4) Auf Rasur. [2x]^{^}
5) Vorlage alligato. ^{^}
6) Vorlage treginta. ^{^}
7) Gebessert aus Burca. ^{^}