Urkunde Nr. 2439 aus Band V

Seite im UB:

100-101

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 138.

Druckvorlage:

nach Original

Abdruck als:

Volltext

Sprache:

Latein

---

2439

Honigberg 1442 Juli 26 Antonius, Dekan des Burzenländer Kapitels, bestätigt, dass die Geschworenen von Marienburg und Rotbach als Sühnegeld für 6 erschlagene Szekler aus dem Csiker Stuhle 300 Gulden erlegt haben.

Anthonius, plebanus de monte Mellis decanusque sedis Brassouiensis, memoriae commendamus tenore praesentium quibus incumbit universis, quod ad nostram habitationis domum in die beatissimae Annae matris Mariae¹⁾ venerunt seniores opidi Foelwar ac villae Weresmart parte ab una et seniores Siculi sedis Schuek parte vero ex altera nobis praesentantes quasdam literas magnifici domini Johannis de Hwnyad vaivodae Transsiluani et trium generum comite Siculorum, quomodo sua magnificentia super facto mortis et interemtionis sex hominum Siculorum causualiter accedenti ipsis hominibus opidi Foelwar ac Wereschmart eos quidem in reconciliationis concordiam iudicialiter reduxit ut dicti seniores opidi Foelwar ac villae Werschmart tricentos florenos vulgaricalis monetae auri fini deponere deberent in supra expresso die sanctissimae Annae¹⁾ tali tamen conditione adiecta, quae pars venire ad praedictum diem in nostram habitationis domum recusaret videlicet ipsi seniores de²⁾ Foelwar et Weresmart dictos florenos ad peragandum et dandum altera pars Siculorum ad recipiendum recusando neglexerit et dictae reconciliationis concordia contradixerit, quacumque illa fuerit inter partes praefatas, extunc pro byrsagio dicto domino Johanne vaivoda centum marcas argenti fini graves Budensis ponderis dare deberet quarum duas partes pro³⁾ domino vaivoda tertia vero parti comparenti, quare ipsi partes iudicio vaivodae satisfacere praetendentes ac poenas iudicio annexo formidantes praefatos tricentos florenos auri fini saepefati seniores opidi Foelwar ac villae Wereschmart ipsis Siculis sedis Schulk pro morte sex hominum videlicet Bycz biro, Mathe fia Benedic, Jergerfy Petir, Andras Ystphan, Kwemin fya Yliasch, Jorg fy Symo fy Balasch causualiter ab ipsis interfectorum realiter et effective in nostra mensa deposuerunt, quos florenos duo Siculi dicti Bycz Gerger, Bycz byro fy Jacob manu fideiussoria nobilium ac solertium virorum Anthonii de Arapatak, Alberti Vincentii, Jacobi, Stephani et Weresch Janysch Siculorum nostra in praesentia compromittentes de cetero nullam inimicitiae causam ex parte dictorum inter- [S. 101] fectorum seu vindictae erga dictos seniores opidi seu quoscumque de Foelwar et de Wereschmart habentes, et dicti opidi Foelwar ac Wereschmart homines in medio dictorum de Schuk Siculorum mercari ac meari libere et pacifice impedimento sine omni possunt atque valent. Et si aliqui ex parte iam praenominatorum interfectorum ipsos dictos de Foelwar ac Wereschmart impedire, inquietare seu laedere vellent quicunque sint, extunc dicti Bycz Gerger et Bycz Biro fy Iacob cum supranominatis fideiussoribus ipsis dictos tres centos florenos vice versa deponere vellent unacum anexo byrsagio domini Johannis vaivodae. Acta et facta sunt haec praesentibus discretis et circumspectis viris Bartholomeo, protunc plebano de Cruczperg, Anthonio dicto parvo de Corona, Jacobo de Novacivitate et Johanni de Honchperg sacerdotibus et capellanis et iudici Petro Vrsule^a) ac Petro Rewel, villico de Corona et Petro Albo de praedicta Honchperg. Ad cuius evidentiam praesentes nostras literas sigillo nostri officii consignavimus et consignari fecimus. Datum loco, die quo supra, anno domini millesimo quadringentesimo quadragesimo secundo.


a) UB: Uroule. Korrektur frdl. Hinweis Gernot Nussbächer.^{^}

1) Juli 26. [2x]^{^}
2) Fehlt in der Vorlage.^{^}
3) Vorlage: p.^{^}