Urkunde Nr. 2423 aus Band V

Seite im UB:

87-88 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2423

Weissenburg 1441 September 21 Der siebenbürgische Bischof Georg verfügt, dass dem Pfarrer von Reussen für die Zufuhr des Zehnten eine Entschädigung zusteht. [S. 88]

Georgius, dei et apostolicae sedis gratia episcopus Transsilvanus. Proposuit nobis honorabilis vir dominus Michael plebanus de Rwz, quod nostri decimatores et alii emptores ipsarum decimarum in praedicta villa Rwz nobis provenientium, signanter vinorum ipsum plebanum propter vecturam niterentur impedire. Cum tamen a tempore, cuius non extat memoria omnes sui praedecessores decimam partem de integris decimis vinorum pro vectura semper pacifice percipissent, supplicans humiliter contra tales impugnatores sibi de remedio provideri. Nos itaque auditis suis propositionibus et iustis suis petitionibus inclinati reperimus sufficientia documenta testium fidedignorum, assertionem suam iuste ac recte proposuisse, gratiose et personaliter annuimus et praesentibus mediantibus eidem domino Michaeli et omnibus suis successoribus conferimus praedictam vecturam vinorum pacifico habere, non obstante quorumcumque contradictione nostrorum decimatorum sive aliorum emptorum decimarum nostrarum praedictarum, ita tamen quod idem plebanus et sui successores currum cum equis et aliis pertinentiis propriis ad vecturam faciendam per suum hominem disponere teneatur et sic tam in nostris decimis quam et archidiaconi et sua quartadecimam partem licite recipere debeat harum nostrarum testimonio et vigore literarum mediante. Datum Albae Juliae in festo beati Mathaei evangelistae, anno domini millesimo quatuorcentesimo quadragesimo primo.


a) Seitenumbruch nach Kopfregest.^{^}