Urkunde Nr. 2419 aus Band V

Seite im UB:

84-85

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 27 304.

Druckvorlage:

nach Original

Abdruck als:

Volltext

Sprache:

Latein

---

2419

Ofen 1441 Mai 23 König Wladislaw beauftragt den Konvent von Kolozsmonostor, bei der Einführung des Dezsö von Losoncz in den Besitz von Lechnitz, Sanktgeorgen, Wermesch und Tatsch mitzuwirken.

[S. 85]Wladislaus dei gratia Hungariae, Poloniae, Dalmaciae, Croaciae et cetera rex Lithuaniaeque princeps supremus et heres Russiae fidelibus nostris conventui ecclesiae de Closmonostra partium Transsiluanarum salutem et gratiam. Cum nos pro¹⁾ fidelibus servitiis magnifici Desew de Losoncz alias vaivodae Transsiluanensis, sicuti et quemadmodum alias serenissima princeps domina Elyzabeth regina, tum pro fidelibus suis servitiis, sed et pro undecim milibus octingentis et triginta florenos auri, quibus dicto Desew ratione salarii sui debitori obligata exstitisse, dicitur, possessiones Lekencze, Zenthgywrgh, Wermes et Thaach in comitatu de Doboka existentes, quae alias ad civitatem nostram Bistriciensem pertinuisse dicuntur, eidem Desew et suis haeredibus, serie literarum suarum donationalium superinde confectarum in perpetuum donasse et contulisse dicitur, sic et eodem modo nos praemissas possessiones simul cum cunctis ipsarum utilitatibus et pertinentiis quibuslibet, praemissis¹⁾ sic¹⁾ stantibus¹⁾, serie aliarum literarum nostrarum donationalium exinde confectarum, eidem Desew vaivodae et suis haeredibus ac posteritatibus universis, dictam donationem²⁾ reginalem in hac parte ratam habentes, in perpetuum contulerimus, velimusque eundem in dominium¹⁾ earundem per nostrum et vestrum homines legitime facere, introduci. Igitur fidelitati vestrae firmiter praecipiendo mandamus, quatenus vestrum mittatis hominem pro testimonio fidedignum, quo preesente Johannes de Galasi, seu Petrus, sive Ladislaus de eadem, aut Dauid de Zombor, seu Ladislaus de Lomperth, neve Oswaldus de Bongad, an Blasius de Zenthmiclos, sin Mathias de Zenthgywrgh, vel Johannes de Zombor, aliis absentibus, homo noster ad facies³⁾ possessionum Lekencze, Zenthgywrgh, Wermes et Thaach praedictarum, vicinis et commentaneis earundem universis inibi legitime convocatis et praesentibus accedendo introducat praefatum Desew vaivodam in dominium earundem statuatque easdem eidem praemissae nostrae donationis titulo perpetuo possidendas, si non fuerit contradictum, contradictores vero, si qui fuerint, evocet eosdem contra annotatum Desew vaivodam in⁴⁾ praesentiam⁴⁾ partium⁴⁾ nostrarum⁴⁾ Transsiluanarum⁴⁾ vaivodarum⁵⁾ ad⁵⁾ terminum⁵⁾ competentem, rationem contradictionis eorum reddituros. Et post haec ipsarum introductionis et statutionis seriem eum contradictorum et evocatorum, si qui fuerint, vicinorumque et commetaneorum, si praemissae statutioni intererunt, nominibus terminoque assignato, eisdem vaivodis⁴⁾ more⁶⁾ solito⁶⁾ rescribatis. Datum Budae feria te<rtia proxima>⁷⁾ ante festum ascensionis domini, anno eiusdem millesimo quadringentesimo quadragesimo primo.

Auf der Rückseite Adresse: Fidelibus nostris conventui ecclesiae de Closmonostra pro magnifico Desew de Losoncz alias vaivodae partium nostrarum Transsiluanarum, introductoria et statutoria.


1) Über der Zeile nachgetragen. [5x]^{^}
2) Vorlage duacoem.^{^}
3) Hierauf durchgestrichen praedictarum.^{^}
4) Auf Rasur. [6x]^{^}
5) Auf dem Rande nachgetragen. [3x]^{^}
6) Über der Zeile nachgetragen. [2x]^{^}
7) Lücke 2,2 cm.^{^}