Urkunde Nr. 2402 aus Band V

Seite im UB:

72-73

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 27 303.

Druckvorlage:

nach Original

Abdruck als:

Volltext

Sprache:

Latein

---

2402

Pápa 1441 März 2 König Wladislaw I. fordert den Konvent von Kolozsmonostor auf, bei der Einführung der Adligen Jakch de Kwsal in den Besitz von Lechnitz, Wermesch, Tatsch und Sankt-Georgen mitzuwirken.

Wladislaws dei gratia Hungariae, Poloniae, Dalmaciae, Croaciae et cetera rex Lithwaniaeque princeps supremus et heres Russiae fidelibus nostris conventui ecclesiae de Clusmonostra salutem et gratiam. Cum nos pro fidelibus servitiis fidelium nostrorum magnificorum Michaelis et Ladislai Jakch de Kwsal pridem vaivodarum partium nostrarum Transsiluanarum per eos maiestati nostrae exhibitis et impensis quasdam possessiones Lekencze, Wermes, Taach et Szentgywrgh vocatas in comitatu Doboka partium nostrarum Transsiluanarum existentes, quae alias quorundam nobilium praefuisse sed per defectum seminis eorundem ad coronam regni et maiestatem regiam devolutae tandemque per dominam Elizabeth reginam Desew de Losoncz alias similiter vaivodae Transsiluano donatae fuisse nuncque propter notam infidelitatis eiusdem quam fidem Desew contra nos rebellando et inter cetera mala ac vastationes possessionum fidelium nostrorum quas fecit, praedictas partes nostras Transsiluanas et earum incolas a fide nostra avertere sattagendo, contra nos incurrit iuxta regni huius consuetudinem rursum ad nos legitime devolutae fore dicuntur, simulcum tributis ac aliis earum utilita- [S. 73] tibus et pertinentiis quibuslibet quovis nomine vocitatis sub earum veris metis et antiquis praemissis sic ut praefertur se habentibus praefato Michaeli Jakch et per eum Petro filio Ladislai similiter Jakch fratri suo fratrueli quoad unam aequalem medietatem, item antelato Ladislao Jakch alias vaivodae et per eum alteri Ladislao et Georgio filiis Joannis modo simili Jakch de Kwsal fratribus eiusdem condivisionalibus quoad aliam medietatem directam earundem possessionum ipsorumque haeredibus et posteritatibus universis vigore aliarum literarum nostrarum exinde confectarum in perpetuum duxerimus conferendum, velimusque ipsos in dominium earundem per nostrum et vestrum homines legitime facere introduci. Igitur fidelitati vestrae firmiter praecipientes mandamus, quatenus vestrum mittatis hominem pro testimonio fide dignum, quo praesente Nicolaus de Doboka aut alter Nicolaus de eadem, sin Andreas de Keched, seu Nicolaus Gebarth de Zylkerek, sive Oswaldus vel Georgius de Ews, neve Petrus Panczel de Cheh, aut Georgius vel Sandrinus de Kend, aliis absentibus, homo noster ad facies dictarum possessionum vicinis et commetaneis suis universis inibi legitime convocatis et praesentibus accedendo introducat praefatos Michaelem, Petrum utrumque Ladislaum et Georgium in dominium earundem statuatque easdem eisdem praemissae nostrae donationis titulo perpetuo possidendas, contradictione praefati Desew non obstante. Contradictores vero si qui fuerint, nostri fideles evocet eos contra annotatos Michaelem, Petrum utrumque Ladislaum et Georgium nostram in praesentiam ad terminum competentem, rationem contradictionis eorundem reddituros. Et post haec huiusmodi introductionis et statutionis seriem cum contradictorum et evocatorum, si qui fuerint, vicinorumque et commetaneorum, qui praemissae statutionis intererunt, nominibus terminoque assignato nobis fideliter rescribatis. Datum in oppido Papa vocato feria quinta proxima post diem cinerum, anno domini M^o CCCC^o XL primo.

Auf der Rückseite von derselben Hand: Fidelibus nostris conventui ecclesiae de Clusmonostra pro magnificis Michaele et Ladislao Jakch de Kwsal pridem vaivodis Transsiluanis et aliis intrascriptis. Introductoria et statutoria.

Auf der Rückseite gleichzeitig: Johannes carnifex, iudex Petrus Herthel, Thangel et Andreas Kereczmer de Cibinio prohibuerunt contradicendo et contradixerunt prohibendo ad quintum decimum diem festi penthecostes.

Ferner auf der Rückseite von anderen gleichzeitigen Händen: Homo regius Nicolaus de Doboka,
noster frater Mychael,
feria secunda proxima post Servacii episcopi confessoris¹⁾.

Quod Johannes Rychenbach concivis civitatis Bystriciensis in sua necnon totius communitatis civitatis Bystriciensis personis ad nostram enim praesentiam nobis exhibuit quasdam literas regales quarum tenor talis est.


1) Mai 15.^{^}