Urkunde Nr. 2400 aus Band V

Seite im UB:

71-72

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 13.

Druckvorlage:

nach Original

Abdruck als:

Volltext

Sprache:

Latein

---

2400

Ofen 1441 Februar 3 König Wladislaw I. von Ungarn und Polen bestätigt das Übereinkommen, das zwischen Dezsö von Losoncz und dessen Verwandten Ladislaus, Benedikt u. a. bezüglich der Besitzungen Lechnitz, Sankt-Georgen, Tatsch und Wermesch abgeschlossen worden ist.

Nos Wladislaus dei gratia Hungariae, Poloniae, Dalmaciae, Croaciae et cetera rex, Lithuaniaeque princeps supremus et heres Russiae memoriae commendamus tenore praesentium significantes quibus incumbit universis, quod fideles nostri magnificus Desew de Losoncz, pridem vaivoda Transsiluanus, et egregius Ladislaus, filius condam Stephani filii olim Desew de eadem Losoncz, in nostrae maiestatis conspectum pariter accedentes dictus Desew vaivoda propria voluntate coram nostram maiestatem confessus extitit tali modo, quod ipse tertiam partem medietatis possessionum Wermes et Thoch in de Doboka, Dyod Hungaricalis, Thwys, Meghkerek, Mendzenth, Thynod, Dyod walachalis, Remethe, Dyomal, Thyburczpataka, Pacholka, Kapwd, Karachonfalva et Olahchesthwe vocatarum in Albensi Transsiluano comitatibus existentium et habitarum, ipsum scilicet pleno iure concernentium praefato Ladislao filio condam Stephani et Benedicto fratri eiusdem carnali dedisset, contulisset immo dedit et contulit coram nobis nostro ad id benivolo consensu praesentibus accedendo tali vinculo interposito, quod si praefati Ladislaus et Benedictus, filii condam Stephani filii olim Desew de dicta Losoncz, quascumque possessiones ac portiones possessionaris a nostra serenitate aut successoribus nostris regibus Hungariae de novo impetrare et obtinere poterint, similiter tertiam per earundem possessionum seu portionum possessionariarum per ipsos obtinendarum praelibato Desew vaivodae ac Ladislao filio eiusdem eorumque haeredibus et posteritatibus universis, dare teneantur, similiterque ipse Desew vaivoda quascunque possessiones seu haereditates imposterum a nobis vel successoribus nostris regibus obtinuerint, cum praefatis Ladislao et Benedicto ac eorum haeredibus et posteritatibus modo praescripto quo ad tertiam earum partem participere sit astrictus. Si autem divinae placuerit voluntati, aliquam partium sine haeredum solatio sexus masculini ab hac luce decedere huiusmodi possessiones per ipsos ambas partes acquirendae in partem superstitem et eius haeredes perpetue devolvantur, specialiter autem, si dictos Desew vaivodam et filium suum aut eorum posteros absque haeredibus decedere contigerit, extunc ultra praescriptas acquirendas per partes possessiones, etiam possessiones Lekencze et Zenthgywrgh vocatae [S. 72] ac earum pertinentiae, quae per ipsum Desew vaivoda solum sibi suis haeredibus iam pridem impetratae dicuntur in praetactos Ladislaum et Benedictum ac eorum haeredes similiter devolvantur pleno iure, praesentium vigore et testimonio mediante. Datum Budae feria sexta proxima ante festum beatae Elenae reginae, anno domini millesimo quadringentesimo quadragesimo primo.

Auf der Rückseite von Hand des 16. Jahrhunderts: Litterae redemptae super villas Lechnitz, Sentjorgen et Totczsch, Vermisch.