Urkunde Nr. 2393 aus Band V

Seite im UB:

65-57

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2393

Hermannstadt 1440 Dezember 5 Die Sieben Stühle bestätigen, dass Nikolaus Appa von Malmkrog das Birthälmer Gräfenamt der Gemeinde freiwillig zurückgestellt hat.

Nos Anthonius Trautheberger, magister civium huius civitatis Cibiniensis, Hedericus de Olczna, iudex regius de Lwskirch, Laurencius de Weresmarth, iudex regius de Rivszmart, Johannes Zaz, iudex regius de Zazsebes, Johannes Fflaschnar, iudex terrestris sedis ac Petrus Cloppoff, Johannes Craws, Jacobus Kolff, Johannes Goltsmith, Oswaldus Wenczel iurati cives et Michael Weysz, villicus civitatis Cibiniensis, Michael Craws magister civium ac alter Michael [S. 66] Pellifex iuratus civis civitatis, Stephanus Lewsch iudex terrestris sedis Segeswar, Petrus de valle Agnetis iudex terrestris, Johannes Feer, iuratus senior sedis Schenk, Andreas iudex regius, Johannes Lewtsch, iuratus senior sedis Rewppasz, Jacobus Reynisch, iudex terrestris sedis Rewsmart et Johannes Nagart, iuratus senior sedis Mewlebach, ceterique iudices, villici et iurati seniores septem sedium Saxonicalium partium Transsiluanarum notum facimus universis Christi fidelibus quibus incumbit praesentium per vigorem, quod nobis in praesenti congregatione nostra generali ut nos cuilibet causanti iustitiam ministraremus, more et consvetudine huius regni in hac civitate Cibiniensi more solito in sede nostra iudiciaria constitutis et sedentibus nobilis et egregius miles dominus Nicolaus filius Appa de Almakarek¹⁾ ab una, parte vero ab altera honorabilis dominus Bartholomeus plebanus ac Jacobus Halffzyn²⁾ villicus Nicolausque Pwsnar³⁾, iuratus senior oppidi regalis Birthalm vocati ab altera partibus coram nobis personaliter constitutis idem dominus Nicolaus miles nobilium puellarum Dorothea et Anna vocatarum filiarum quondam Georgii similiter filii Appa fratris sui carnalis ac Michaelis filii Ladislai filii ipsius Nicolai filii Appa onera et gravamina, si in infra scriptis persistere nollent, in se assumendo oraculo vivae vocis confessus est et retulit hoc modo, quodlicet alias villicus et iurati seniores eiusdem oppidi Birthalm nomine totius communitatis eiusdem oppidi comitatum seu gerebatum ipsius oppidi certis et rationabilibus ex causis dictis domino Nicolao ac quondam Georgio filiis Appa vigore certarum literarum sedium Schelk⁴⁾ et Megyesch⁵⁾ superinde confectarum sub certis condicionibus, clausulis et articulis in eisdem literis expressatis contulerunt. Tamen nunc idem dominus Nicolaus deum et eius sanctam iustitiam ferens prae oculis in conservatione ipsius comitatus seu gerebatus suae et suorum successorum animabus detrimentum oriri considerans⁶⁾ dictum comitatum seu gerebatum cum omnibus eius iuribus, iurisdictionibus et proventibus ac emolumentis quibuslibet, mediantibus scilicet quibus sibi et dicti quondam Georgio fratri suo per annotatos villicum et iuratos seniores modo quo supra extitisset donatum et collatum, eisdem villico et iuratis senioribus ac populis et inhabitatoribus totique communitati dicti oppidi Birthalm eorumque posteris universis relaxasset, redonasset et recontulisset⁷⁾ nullum ius nullamque iuris proprietatem sibi et suis ac dicti quondam Georgii fratris sui heredibus reservando, immo relaxavit, redonavit et recontulit coram nobis spontanea voluntate tali modo, quod si temporum in processu quispiam hominum cuiuscumque status et conditionis existeret praefatos populos et inhabitatores annotati oppidi Birthalm ratione praefatorum comitatus seu gerebatus ac iurium, iurisdictionum et pertinentiarum eiusdem intra et extra iudicium quovis quaesito colore impugnare, inquietare et⁸⁾ perturbare aut in causam coram aliquo iudicio attrahere, quos deus avertat, attemptare. Ex tunc dictus⁸⁾ dominus Nicolaus aut sui heredes et in suis possessionibus successores ipsos populos et inhabitatores ac communitatem dicti oppidi Birthalm cum iuvamine eorundem ac cum expensis infra declarandis protegere, defensare, conservare, manutenere debeant sine omni contradictione casu autem⁹⁾ quo heredes et successores annotatorum domini¹⁰⁾ Nicolai ac quondam Georgii fratris sui pro huiusmodi comitatu seu gerebatu aliquas gwerras¹¹⁾ seu lites movere et inchoare ausu temerario praetenderent, ex tunc idem ante litis inchoationem sexingentos florenos puri auri promptis in florenis absque aliquo defectu annotatis populis et inhabitatoribus praefati oppidi Birthalm persolvere debeant et teneantur. ¹²⁾ De ceteroque nullae literae sub iudiciaria aut alia quacumque forma verborum pro parte annotatorum domini Nicolai ac quondam Georgii fratris suis eorumque heredibus emanatae intra scilicet et extra iudicium alicuius vigoris et roboris esse debeant et in aliquibus factis observari. Ad quod¹³⁾ se et suos successores praefatus dominus Nicolaus filius Appa se spontanea voluntate obligavit coram nobis¹⁴⁾. Postremo vero et ultimatum ambae partes super praescriptis expensis [S. 67] taliter concordarunt et coram nobis concluserunt, quod dum et quandocumque temporum in processu aliquae causae in facto annotatorum comitatus seu gerebatus orirentur et suscitarentur, ex tunc dictus dominus Nicolaus ac sui et annotati fratris eiusdem heredes et successores adiunctis sibi uno vel duobus ex inhabitatoribus annotati oppidi Birthalm per communitatem eiusdem oppidi eligendi in dictorum domini Nicolai ac suorum et praefati quondam Georgii fratris ipsius heredum et successorum propriis expensis pro defensione dictae causae procedere debeant et teneantur. In cuius rei memoriam firmitatemque perpetuam praesentes concessimus literas nostras¹⁵⁾ pendentis¹⁶⁾ sigilii nostri provincialis¹⁶⁾ munimine roboratas. Datum Cibinii praedicto¹⁶⁾ in profesto beati Nicolai episcopi et confessoris, anno domini millesimo quadringentesimo quadragesimo.


1) Nummer 2394 Almakrek. ^{^}
2) Nummer 2394 Halbzyn. ^{^}
3) Nummer 2394 Pewsnaw. ^{^}
4) Nummer 2394 Selk. ^{^}
5) Nummer 2394 Meges.^{^}
6) Nummer 2394 consideraret. ^{^}
7) Vorlage recontulislisset.^{^}
8) Fehlt in Nummer 2394. [2x]^{^}
9) Nummer 2394 aut. ^{^}
10) Nummer 2394 dominorum. ^{^}
11) Über der Zeile nachgetragen.^{^}
12) Der nächstfolgende Satz fehlt in Nummer 2394.^{^}
13) Nummer 2394 quae. ^{^}
14) Die nächsten Sätze fehlen in Nummer 2394 bis In cuius rei. ^{^}
15) Nummer 2394 hierauf patentes cum impressu. ^{^}
16) Fehlt in Nummer 2394. [3x]^{^}