Urkunde Nr. 2378 aus Band V

Seite im UB:

54-55

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1250 - Abt.42: K. A. Stolzenburg [Parohia Ev. CA Slimnic], Nr. 14.

Druckvorlage:

nach Original

Abdruck als:

Volltext

Sprache:

Latein

---

2378

Hermannstadt 1440 Mai 15 Die Sieben Stühle bestimmen in dem Streit zwischen den Gemeinden Stolzenburg und Salzburg über die Benützung des Flurteiles „In der Hecken", dass die Stolzenburger für den käuflich erworbenen Flurteil den Salzburgern von jedem Joch 2 Denare als terragium zahlen und die Mitbeweidung zugestehen müssen.

Nos Anthonius Trautheberger, magister civium huius civitatis Cibiniensis, Hedericus de Olczna, iudex regius de Lwskirch, Laurencius de Weresmarth, iudex regius de Rewsmarth, Johannes Zaz, iudex regius de Zazsebes, Johannes Flaschnar, iudex terrestris sedis ac Petrus Cloppoff, Johannes Craws, Jacobus Kolff, Johannes Goltsmith, Oswaldus Wenczel iurati cives et Michael Weyss, villicus civitatis Cibiniensis, Michael Craws magister civium ac alter Michael Pellifex, iuratus civis civitatis, Stephanus Lwsch, iudex terrestris sedis Segeswar, Petrus de Valle Agnetis, iudex terrestris, Johannes Feer, iuratus senior sedis Schenk, Andreas, iudex regius, Johannes Lwtsch, iuratus senior sedis Rwppass, Jacobus Reynisch, iudex terrestris sedis Rewsmarth et Johannes Nagarth, iuratus senior sedis Mwlebach ceterique iudices, villici et iurati seniores septem sedium Saxonicalium partium Transsiluanarum, ad universorum tam praesentium quam futurorum notitiam harum serie volumus pervenire, quod id aequitatis ordo suadet, ut hii quibus iudicandi potestas a summo iudice est concessa causas quaslibet rationabiliter iustoque iuris ordine discutiant et condignam ac salubrem cuilibet causanti ministrant iustitiam absque acceptione personarum. Proinde nobis in hac civitate Cibiniensi circa festum penthecostes in con<gregat>ione¹⁾ nostra generali in sede nostra iudicaria sedentibus cuilibet querulanti iustitiam ministrantibus, providi viri Johannes Kofman²⁾ villicus ac alter Joannes Bulger iuratus senior op<pidi Wyza >³⁾ [S. 55] kna <vocati>⁴⁾ nostram venientes in praesentiam nobis in eorum ac universorum populorum et inhabitatorum eiusdem oppidi personis exposuerunt ut plurimum querulose, quomodo populi et inhabitatores vil<lae S>tolczenburg⁵⁾ vocatae certam quantitatem iugerum terrarum In der Hecken vocatarum in territorio et intra <ve>ras⁶⁾ metas praedicti oppidi Wysakna adiacentium, pro se usurpantes colerent et seminarent <ac>⁷⁾ eisdem uterentur contra saepissimas prohibitiones exponentium praenotatorum super quo ipsis iuxta regni consvetudinem iuris aequitatem per nos impertiri postularunt; quibus habitis Georgius Schillis, alter Georgius Waldorff et Laurencius Thomas, iurati seniores et inhabitatores praefatae villae Stolczeburg e medio aliorum exurgentes suis ac aliorum populorum et inhabitatorum eiusdem villae Stolczeburg nominibus responderunt ex adverso quod bene verum foret ut praedicta quantitas iugerum terrarum Inderhecken vocatarum in territorio et intra metas praenominati oppidi Wysakna vocati adiacerent sed eandem ipsi a multis retroactis temporibus iure emptitio possedissent, ⁸⁾ usique ipsa fuissent possedirentque et uterentur in praesentiarum et id certis probabilibusque et sufficientibus documentis iuxta regni consvetudinem demonstrarunt coram nobis. Hisque perceptis et ambarum partium propositionibus, allegationibus altercationibusque et responsionibus atque probationibus et documentis utrarumque partium visis et diligenter examinatis deumque et eius sanctam iustitiam habentes prae oculis, potissime, etiam ne aliqua discordia inter partes praescriptas oriatur iudicando commisimus eo modo, ut a modo in antea futuris temporibus perpetuis universis annotati populi et inhabitatores praefatae villae Stolczeburg praefatam quantitatem iugerum terrarum Inderhecken vocatarum ipsos ut praedicitur iure emptitio concernentium talimodo possidere eisdemque uti debeant et potiri, videlicet dum et quandocunque iidem praedictam quantitatem iugerum terrarum in tot vel in parte colerent, pararentque et seminarent, extunc populi et inhabitatores praenominati oppidi Wysakna eorum pecora et pecudes aut alia animalia in huiusmodi quantitate iugerum terrarum pascere et eis aliqua dampna in eorum segetis sub consveta poena in talibus iuxta regni consvetudinem observare solita inferre nullomodo praesumant, ipsi autem populi et inhabitatores villae Stolczeburg eorum pecora et pecudes eo tempore in huiusmodi quantitate iugerum terrarum pascere ac eisdem uti valeant, iuxta libitum eorum voluntatis. Sin autem aliquibus annis praefata quantitas iugerum terrarum inculta et inseminata remanere contingeret ac etiam postquam singulis annis messis totaliter completa fuerit, extunc praefati populi et inhabitatores oppidi Wysakna et non alii homines eorum pecora et pecudes in praefata quantitate iugerum terrarum instar praefatorum populorum et inhabitatorum villae Stolczeburg praedictae pascere valeant atque possint. Singulis autem annis iidem populi et inhabitatores eiusdem villae Stolczeburg pro terragio pro quolibet⁹⁾ scilicet iugere terrarum populis et inhabitatoribus praefati oppidi Wysakna singulos duos denarios pro tempore currentes solvere debeant et teneantur. In cuius rei memoriam ac firmitatem perpetuam praesentes concessimus literas nostras pendentis sigilii munimine roboratas. Datum in annotata congregatione nostra generali, loco et tempore in praedictis, anno domini millesimo quadringentesimo quadragesimo. [S. 56]


a) Im UB Abbildung der Urkunde auf Tafel III, unten als »Abb.. ^{^}

1) Lücke 0,9 cm.^{^}
2) Die Lesung ist nicht ganz eindeutig, da die Stelle durch Feuchtigkeitseinwirkung stark nachgedunkelt ist. Sie ergibt sich aus der Urkunde von 1454, Februar 24.^{^}
3) Lücke 1,5 cm.^{^}
4) Lücke 0,8 cm.^{^}
5) Lücke 0,7 cm.^{^}
6) Verblasst.^{^}
7) Lücke 0,3 cm.^{^}
8) Vorlage possedisset. ^{^}
9) Vorlage qualibet. ^{^}

Abb.