Urkunde Nr. 2370 aus Band V

Seite im UB:

51-52

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 27 162.

Druckvorlage:

nach Original

Abdruck als:

Volltext

Sprache:

Latein

---

2370

Komorn 1440 Februar 18 Königin Elisabeth ersucht den Konvent von Kolozsmonostor bei der Einführung des Gregor von Bethlen in den Besitz der ihm verpfändeten Orte Mettersdorf, Treppen und Pintak mitzuwirken.

Elizabeth dei gratia regina Hungariae, Dalmaciae, Croaciae et cetera Austriaeque et Stiriae ducissa necnon marchionissa Morauiae et cetera fidelibus nostris conventui ecclesiae de Clusmonostra salutem et gratiam. Cum nos possessiones nostras Demetery, Tewrpen et Penthek vocatas in comitatu de Doboka existentes et ad civitatem nostram Bestricze spectantes, simul cum omnibus suis utilitatibus et pertinentiis ac censibus consvetis, fideli nostro egregio Gregorio filio Johannis de Bethlen, vigore aliarum literarum nostrarum impignoratitiarum exinde confectarum, pro certa pecuniarum summa duxerimus pignori obligandas, velimusque ipsum per regium et vestrum homines in dominium earundem legitime facere introduci. Igitur fidelitati vestrae firmiter praecipiendo mandamus, quatenus vestrum mittatis pro testimonio fide dignum, quo praesente Johannes aut Nicolaus de Cheren, vel Nicolaus de Mathe, sin Georgius de eadem seu Ladislaus de Kerestwr, sive Barnabas, neve Johannes, aut Gregorius de Moch, aliis absentibus homo regius ad facies dictarum possessionum, vicinis et commetaneis earundem universis inibi legitime convocatis et praesentibus accedendo, introducat praefatum Gregorium in dominium earundem, statuatque easdem eidem praemissae nostrae impignorationis titulo sibi incumbente, possidendas, si non fuerit contradictum. Contradictores vero, si qui fuerint, evocet ipsos contra memoratum Gregorium in praesentiam vaivodae Transsiluani ad terminum competentem, rationem contradictionis eorum reddituros. Et post haec huiusmodi introductionis et statutionis seriem, cum contradictorum et evocatorum, si qui fuerint, vicinorum etiam et commetaneorum, qui praemissae statutioni intererunt, nominibus terminoque assignato, eidem vaivodae more solito rescribatis. Datum in Komaron, feria quinta proxima post festum beati Valentini martiris, anno domini millesimo quadringentesimo quadragesimo.

Auf der Rückseite Adresse: Fidelibus nostris conventui ecclesiae de Clusmonostra pro egregio Gregorio filio Johannis de Bethlen, introductoria et statutoria. [S. 52] Von anderen Hand gleichzeitig: Jacobus de Lippa et Stefanus de Ozora et Matias de Recege et Dampmianus de Ysyp prohibuerunt Gregorium de Bethlen a possessionibus Demeteri, Terpen, Pentek et dictus conventus cum homine vel ante hominem legis vocavit ad octavas sancti Georgii martiris¹⁾ rationem dare istius²⁾ comites²⁾ Siculorum Emericum de Perselht²⁾ et Franciscum de Cahc²⁾, quia in imagine dominis ipsorum fuerunt proibutionem²⁾.

Von dritter Hand: Statutio fiebat feria secunda proxima ante festum beati Gregorii papae³⁾. Homo vaivodalis Nicolaus de Mathe, noster frater Michael. Fecit pro iste²⁾ litera l^c denarios.


1) Mai 1.^{^}
2) So Vorlage. [6x]^{^}
3) März 7.^{^}