Urkunde Nr. 2364 aus Band V

Seite im UB:

48-49

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2364

Ofen 1440 Januar 10 Königin Elisabeth gebietet den Sachsen der Zwei Stühle, den Martinszins des Jahres 1438, der von König Albrecht den Hofrittern Henning und Josth verschrieben worden ist, unverzüglich abzuführen.

Von der Kanzlei: Relatio Thomae de Zeech.

Elizabeth dei gratia regina Hungariae, Dalmaciae, Croaciae et cetera, Austriaeque et Stiriae ducissa, necnon marchionissa Morauiae et cetera fidelibus nostris universis et singulis Saxonibus duarum sedium Selk et Megyes vocatarum partium nostrarum Transsiluanarum salutem et gratiam. Licet quondam serenissimus princeps dominus Albertus rex, conthoralis noster carissimus, mediantibus certis literis suis, coram nobis nunc productis vobis mandaverit, ut census festi beati¹⁾ Martini confessoris in anno domini millesimo quadringentesimo tricesimo octavo praeterito vestri parte fisco regio provenire debentes, quos nec hactenus persolvistis, fidelibus nostris egregiis Hennyngo et Josth aulae nostrae militibus et in eorum personis fidelibus nostris providis Jacobo, magistro civium ac Oswaldo et Michaeli de Olchna pro salariis ipsorum Hennyngi et Josth dare et soluere deberetis. Tamen uti nunc ipsis Hennyngo et Iosth referentibus percipimur, vos id facere hactenus recusassetis et recusaretis etiam de praesenti in levipendium mandatorum regalium manifestum. Unde volumus et fidelitati vestrae firmiter praecipiendo mandamus, aliud habere nolentes, quatenus statim habita praesentium notitia absque dissimulatione ulteriori praescriptos census festi sancti Martini dictis¹⁾ Oswaldo¹⁾, Jacobo, magistro civium et Hederico de Olchna per ipsos dictis Hennyngo et Josth assignandos, integre extradare et persolvere, summamque et quantitatem pecuniarum, quam ipsis in sortem solutionis huiusmodi census assignabitis et persolvetis, vestris in literis nobis fideliter rescribere debeatis. Et aliud facere non audeatis gratiae nostrae sub obtentu. Praesentes autem facta praescripti census solutione pro vestra erga vos reservetis expeditione. Datum Budae die dominico proximo post festum Epiphaniarum domini, anno eiusdem millesimo quadringentesimo quadragesimo.


1) Auf Rasur. [3x]^{^}