Urkunde Nr. 270 aus Band I

Seite im UB:

199

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 1422.

Druckvorlage:

nach Original

Abdruck als:

Volltext

Sprache:

Latein

---

270

1295 August 24 Das Weissenburger Kapitel bezeugt, dass Alardus, iuvenis filius Gyaan de Vyzakna, im Besitz der terra Ringelkirch belassen worden sei.

Nos capitulum Albensis ecclesiae beati Mychaelis archangeli Transsiluanensis significamus universis quibus expedit praesentium per tenorem, quod cum magister Vyuianus comes camerae domini regis et de Bezterce per dominum regem procurator possessionis Zekes institutus ad reambulandum ipsam terram seu possessionem Zekes, prout moris est atque iuris, cum homine domini regis et nostro accessisset et quandam particulam terrae Godyn vocatae, quae vulgariter Ryngylkyrch nominatur ad ipsam possessionem Zekes spectare constanter assereret, metas praedictae possessionis Zekes super ipsam extendendo, quia tamen comes¹⁾ Alardus iuvenis filius Gyaan de Vyzakna, dominus possessionis supra dictae Godyn videlicet, qui titulo emptionis possedit usque modo, quemadmodum sua super hoc exhibita comprobant munimenta eidem circa metas particulae terrae praelibatae contradixit. Sed quoniam non obstante contradictione huiusmodi, idem magister Vyuianus super ipsa eum possessione pacifice remanere non sinebat, tandem tale remedium probis viris intervenientibus est inventum, ut idem Alardus domino regi et sibi adhaerentibus praecipue ipsi magistro Viuiano omne fidelitatis obsequium repromittat. Quo facto magister Viuianus saepe dictus confessus est coram nobis ab inquietatione Alardi²⁾ saepe fati omnino cessare et eum in pacifica possessione ipsius terrae Godyn reservare sub eisdem metis et terminis, quibus ipse et praedecessores sui noscuntur possedisse tamdiu, donec fines promissionum suarum coram nobis factarum non excedet. In cuius rei memoriam et factae ordinationis firmitatem ad instantiam partium nostras concessimus literas sigillo nostro consignatas. Datum in festo beati Bartholomey, anno domini M^o CC^o nonagesimo quinto.


1) Hierauf durchgestrichen: iuvenis.^{^}
2) Hierauf durchgestrichen: al.^{^}